Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Anna Danılına shırek fınalǵa shyqty

2022 jyldyń 23 qańtar 2022 11:24

NUR-SULTAN. QazAqparat – Juptyq synda Qazaqstannyń birinshi raketkasy Anna Danılına Aýstralııa ashyq chempıonatynyń shırek fınalyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkendeı, A.Danılına brazılııalyq Beatrıs Haddad Maııamen birge úshinshi aınalymda ıspanııalyq Alena Bolshova – norvegııalyq Ýlrıkke Eıkerımen sheberlik baıqasty.

Ispanııalyq-norvegııalyq jup birinshi partııada 6:4 esebimen basymdyq tanytty.

Ekinshi sette Beatrıs pen Anna ese qaıyrdy – 6:3. Úshinshi, sheshýshi partııada 1:4 esebimen jeńilip jatyp, tarazy basyn teńestire bildi. Sodan keıin taı-breıkte jeńisti julyp aldy – 7:6 (10:5).

Qazaqstandyq-brazılııalyq jup 2 saǵat 34 mınýtqa sozylǵan tartysty matchta 1 eıs jasap, 14 breık-poınttyń altaýyn óz esepterine jazdy. Qarsylastary 2 eıs, 6 breıkpen (9 breık-poınt) erekshelendi.

Anna men Beatrıs jartylaı fınalǵa shyǵý úshin shvetsııalyq Rebekka Peterson – reseılik Anastasııa Potapovamen talasady.

Eske sala keteıik, osyǵan deıin Aýstralııa ashyq chempıonatynda qos qazaqstandyq jasóspirim tennısshi baq synaıtynyn jazǵan bolatynbyz.

Al Andreı Golýbev aralas synda ekinshi aınalymǵa shyqty.


Avtor Eljan Eraly
Basty sózder: Sport,
Joǵary qaraı