Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Anna Danılına jarysty sátti bastady

2022 jyldyń 19 qańtar 2022 17:12

NUR-SULTAN. QazAqparat – Qazaqstandyq Anna Danılına juptyq synda Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

A.Danılına brazılııalyq Beatrıs Haddad Maııamen birge alǵashqy aınalymda ıspanııalyq Paýla Badosa – taǵy bir qazaqstandyq Elena Rybakınamen kezdesýi kerek edi.

P.Badosa men E.Rybakına juptyq synda jarysqa qatysýdan bas tartqannan keıin olardyń ornyna majarstandyq Anna Bondar men grýzııalyq Oksana Kalashnıkova shyqty.

Qazaqstandyq-brazılııalyq jup 6:4, 6:4 esebimen jeńiske jetti. Olar 1 saǵat 14 mınýtqa sozylǵan báseke barysynda 3 eıs jasap, 5 breık-poınttyń ekeýin paıdalandy.

Jýyrda ǵana Sıdneı týrnıriniń jeńimpazy atanǵan Anna men Beatrıstiń ekinshi aınalymdaǵy qarsylastary keıin anyqtalady.

Eske sala keteıik, budan buryn Aleksandr Býblıktiń Aýstralııa ashyq chempıonatyn jeńispen bastaǵanyn, Tımofeı Skatovtyń qarsylasyna ese jibergenin jazǵan bolatynbyz.

Sondaı-aq Elena Rybakına Zarına Dııasty jeńip, ekinshi aınalymǵa shyqty.


Avtor Eljan Eraly
Basty sózder: Sport, Qoǵam,
Joǵary qaraı