Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Anna Danılına juptyq synda úshinshi aınalymǵa shyqty

2022 jyldyń 21 qańtar 2022 14:10

NUR-SULTAN. QazAqparat – Qazaqstandyq Anna Danılına juptyq synda Aýstralııa ashyq chempıonatynyń úshinshi aınalymyna shyqty, dep habarlaıdy QazAqparat tilshisi.

Jýyrda brazılııalyq Beatrıs Haddad Maııamen birge Sıdneı WTA 500 týrnıriniń jeńimpazy atanyp, juptyq synda Qazaqstannyń birinshi raketkasy bolyp úlgergen A.Danılına atalmysh «Úlken dýlyǵa» týrnırinde sátti óner kórsetýde.

Bul joly qazaqstandyq-brazılııalyq jup ekinshi aınalymda chehııalyqtar Tereza Martıntsova – Marketa Vondroýshovamen sheberlik baıqasty.

Beatrıs pen Anna 4:6, 6:3, 6:2 esebimen jeńiske jetti.

Olar 1 saǵat 39 mınýtqa sozylǵan matchta 2 eıs jasap, 8 breık-poınttyń altaýyn óz esepterine jazdy. Qarsylastary 2 eıs, 4 breıkten (7 breık-poınt) asa almady.

B.Haddad Maııa men A.Danılına shırek fınalǵa shyǵý úshin jarystyń 10-raketkalary, chehııalyqtar Marııa Boýzkova –
Lýtsııa Gradetska nemese ıspanııalyq Alena Bolshova – norvegııalyq Ýlrıkke Eıkerı juptarynyń qaı jeńgenimen talasady.

Eske sala keteıik, budan buryn Aleksandr Nedovesovtiń Rolan Garros chempıonyn utqanyn jazǵan bolatynbyz.

Sondaı-aq Elena Rybakına úshinshi aınalymǵa óte almady.


Avtor Eljan Eraly
Basty sózder: Sport,
Joǵary qaraı