Australian Open: Anna Danılına juptyq synda jartylaı fınalǵa shyqty
NUR-SULTAN. QazAqparat - Qazaqstannyń juptyq syndaǵy birinshi raketkasy Anna Danılına Aýstralııa ashyq chempıonatynyń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi brazılııalyq Beatrıs Haddad Maııamen birge shırek fınalda shvetsııalyq Rebekka Peterson - reseılik Anastasııa Potapovamen sheberlik baıqasty.
Birinshi partııada shvetsııalyq- reseılik jup basymdylyq tanytty - 6:4.
Ekinshisinde Anna men Beatrıs ese qaıyrdy - 7:5. Sosyn úshinshi, sheshýshi setti jeńispen támamdady - 6:3.
Tartysty ótken báseke 2 saǵattan astam ýaqytqa sozyldy.
Anna men Beatrıs fınalǵa shyǵý úshin japonııalyqtar Sıýko Aoıama - Ena Shıbaharamen talasady.
Eske sala keteıik, budan buryn Qazaqstan - Norvegııa matchy hard tósenishinde ótetinin jazǵan bolatynbyz.
