Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Arýjan Saǵyndyqova úshinshi aınalymǵa shyqty

2022 jyldyń 25 qańtar 2022 11:23

NUR-SULTAN. QazAqparat - Qazaqstandyq tennısshi Arýjan Saǵyndyqova juptyq synda Aýstralııa ashyq chempıonaty jasóspirimder týrnıriniń úshinshi aınalymyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 17 jastaǵy Arýjan reseılik Ekaterına Haırýtdınovamen birge ekinshi aınalymda grekııalyqtar Mıhaela Lakı - Dımıtra Pavlýmen sheberlik baıqasty.

Qazaqstandyq-reseılik jup qarsylastaryn 6:3, 6:3 esebimen utty.

Endi olardyń shırek fınaldaǵy qarsylastary chehııalyqtar Lýtsııa Gavlıchkova-Domınıka Shalkova jáne kanadadyqtar Kaıla Kross-Vıktorııa Mboko arasynan anyqtalady.

Osylaısha A.Saǵyndyqova Qazaqstan tennısi tarıhynda rekordtyq nátıjege qol jetkizdi.

Buǵan deıin «Úlken dýlyǵa» jarysynyń jasóspirimder týrnırinde eshkim úshinshi aınalymǵa shyǵyp kórmep edi.

Taǵy bir qazaqstandyq, 16 jasar Maksım Batıýtenko jekeleı synda ekinshi aınalymda lıtvalyq, Ýımbldon jasóspirimder týrnıriniń juptyq syndaǵy 2021 jylǵy jeńimpazy Edas Býtvılasqa jol berdi - 6:7 (5:7), 3:6.

Eske sala keteıik, budan buryn Qazaqstan - Norvegııa matchynyń hard tósenishinde ótetinin, Anna Danılınanyń Aýstralııa ashyq chempıonatynyń jartylaı fınalyna shyqqanyn jazǵan bolatynbyz.


Basty sózder: Qoǵam, Sport,
Joǵary qaraı