Aýa raıy
Astana 28 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Aýstralııa 100 jylda alǵash ret shtattar arasyndaǵy shekarany japty

2020 jyldyń 7 shilde 2020 15:01

SIDNEI. QazAqparat – Aýstralııanyń eń tyǵyz qonystanǵan eki shtaty arasyndaǵy shekara Melbýrnde koronavırýstyń órshýine baılanysty búginnen bastap belgisiz merzimge jabylady, dep habarlaıdy QazAqparat Reuters agenttigine silteme jasap.

Vıktorııa men Jańa Ońtústik Ýels arasyndaǵy shekara 100 jylda alǵash ret jabylyp otyr. Sońǵy ret eki shtattyń arasyndaǵy qozǵalys ıspan tumaýynyń pandemııasy kezinde 1919 jyly toqtatylǵan edi. Vıktorııa shtatynyń astanasy Melbýrnde COVID-19 juqtyrý oqıǵalarynyń sany sońǵy kúnderi kúrt artty. Bul, bılikke áleýmettik qashyqtyq boıynsha qatań uıǵarymdar engizýge túrtki boldy.

Vıktorııa shtatynda bir túnde koronavırýstyń 127 jańa jaǵdaıy tirkeldi. Bul – pandemııa bastalǵaly bir kúnde eń kóp tirkelgen kórsetkish. Eki adam qaıtys bolǵany habarlandy. Jergilikti bılik bul eki aptadan astam ýaqyt ishinde elde bolǵan alǵashqy ólim jaǵdaılary ekenin aıtty. Jalpy Aýstralııada koronavırýstan 106 adam kóz jumdy.

Jańa Ońtústik Ýelstiń premer-mınıstri Gledıs Beredjıklıan shekaranyń qashan ashylatyny áli belgisiz ekenin, shekarany zańsyz kesip ótý faktileriniń aldyn alý úshin áskerı kúshter kúzetetinin aıtty.

Onyń málimetinshe, shekaradan ótý úshin ruqsat qaǵazyn alý qajet.

Aıta keteıik, Aýstralııa koronavırýs pandemııasymen kúreste jaqsy nátıjege qol jetkizgen bolatyn. Elde barlyǵy 8 500 oqıǵa tirkeldi. Alaıda, Melbýrnda órshigen ahýal jaǵymdy statıstıkany buzdy.


Basty sózder: Álem, Koronavırýs,
Joǵary qaraı