Aýa raıy
Astana -22 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Aýstralııa polıtsııasy Ońtústik Afrıkadan kelgen júk arasynan 144 keli kokaın tapty

2020 jyldyń 26 qazan 2020 14:27

NUR-SULTAN. QazAqparat - Aýstralııanyń shekara qyzmeti Brısben kemejaıynda Ońtústik Afrıka Respýblıkasynan jetkizilgen júk arasyna jasyrylǵan 144 kelige jýyq kokaın tárkiledi, dep habarlaıdy QazAqparat.

The Sydney Morning Herald basylymynyń jazýynsha, shekara qyzmetkerleri Brısben kemejaıyna qazan aıynyń basynda jetkizilgen gıdravlıkalyq tsılındrler partııasyn qaraý kezinde eki gıdrotsılındr porsheninen qýystardy anyqtaǵan.

Onyń ishinen árqaısysyna 24 blok kokaın salynǵan alty metall konteıner tabyldy.

Jasyrylǵan esirtkiniń quny 64,8 mln aýstralııalyq dollarǵa baǵalanyp otyr.

Esirtkini anyqtaý sharasy eldiń shekara qyzmeti jáne federaldyq polıtsııa kúshimen uıymdastyryldy. Sonyń aıasynda Brısbena jáne Sıdneı kemejaılarynyń qoıma ǵımarattarynda izdeý jumystary júrgizilip, júkti alýshy – Sıdneıdiń 45 jastaǵy turǵyny qamaýǵa alyndy.

Aýstralııa zańnamasyna sáıkes, atalǵan quqyq buzýshylyqtar úshin taǵaıyndalatyn jaza – ómir boıy bas bostandyǵynan aıyrý.


Basty sózder: Esirtkimen kúres, Álem,
Joǵary qaraı