Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Aýyl - el besigi»: 1 mln aýyl turǵyny tabysyn arttyrady

2021 jyldyń 19 qazan 2021 10:12

NUR-SULTAN. QazAqparat – «Aýyl - el besigi» jobasyn qarjylandyrý kólemi 800 mlrd teńgege deıin ulǵaıtyldy. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Aldaǵy 4 jylǵa «Aýyl - el besigi» jobasyn qarjylandyrý kólemi 800 mlrd teńgege deıin ulǵaıtyldy. Jalpy, ulttyq jobalardy eskersek – aýyldardy jańǵyrtýǵa 1,3 trln teńge josparlanyp otyr», - dedi Asqar Mamın.

Úkimet basshysynyń dereginshe, 2025 jyly aýyldyq jerlerdi sýmen jabdyqtaý qyzmetterimen 100 paıyz qamtýǵa qol jetkiziledi. Kent ishindegi 10 myń shaqyrym jol jaqsartylady. 12 myń shaqyrym ınjenerlik jeli, 1,1 myń densaýlyq saqtaý nysany, 1,7 myń sport, 1,5 myń mádenıet nysany salynyp, jóndeledi. 5 myń aýyl mektebi jańǵyrtylady.

«Eńbek ónimdiligi 2,5 ese ósedi, 500 myń jumys orny qurylady jáne 1 mln aýyl turǵyny óz tabysyn arttyra alady. «Aýyl - El besigi» jobasynyń is-sharalary - aýyl turǵyndarynyń ómir súrý sapasy men ál-aýqatyn aıtarlyqtaı jaqsartady jáne aýyldyq aýmaqtardyń damýyna jańa serpin beredi», - dedi Premer-Mınıstr.


Joǵary qaraı