Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

«Aýyl» partııasy elde kúnbaǵys maıynyń qymbattaýyna alańdaýly

2020 jyldyń 20 qarasha 2020 19:11

QOSTANAI.QazAqparat – «Aýyl» halyqtyq-demokratııalyq patrıottyq partııasynyń Qostanaı oblysy boıynsha fılıaly eldegi azyq-túliktiń qymbattaýyna baılanysty semınar-keńes ótkizdi, dep habarlaıdy QazAqparat tilshisi.

Sońǵy kúnderi qazaqstandyqtar azyq-túliktiń, onyń ishinde kúnbaǵys maıy baǵasynyń ósýine alańdap otyr. Bul másele «Aýyl» partııasy uıymdastyrǵan keńeste talqyǵa tústi. Partııa belsendileri suıyq maı óndirýshiler men ǵalymdardy shaqyrdy. Keńeske qatysýshylar aýyl sharýashylyǵy ónimderi baǵasynyń ósý sebepterin aıtyp, otandyq ǵylymnyń óndiristen alshaqtyǵyna toqtaldy. Sondaı-aq, ǵalymdardyń birlesip jumys isteýine kedergi keltiretin faktorlardy mysalǵa keltirdi.
«Kúnbaǵys maıy baǵasynyń ósýiniń negizgi sebebi – shıkizattyń jetispeýshiligi. Bıyl Túrkııa shıkizatqa ımporttyq baj salyǵyn alyp tastady da, Reseı shıkizatty eksporttaýǵa tyıym saldy. Saldarynan bizdiń memleket qana eksportqa shyǵardy. Sondyqtan ózimizde bar shıkizatty qazir Ózbekstan, Qytaı, Ýkraına, Túrkııa jáne basqa da elderge satyp otyrmyz. Maı baǵasynyń turaqtalmaýy eginniń bitik shyqpaýyna da baılanysty. Ókinishke qaraı, osy jyly aýa raıy aýyl sharýashylyǵyna aıtarlyqtaı áser etti, shalǵaıdaǵy eldi mekenderge qatty tıdi. Sol sebepti negizgi ónimniń qymbattaýy óndiris shıkizatynyń jetispeýshiligine tireledi. Tıisinshe shıkizat kúrt qymbattady», - dep túsindirdi «Azımýt» JShS basshysy, «Aýyl» HDPP tóraǵasynyń orynbasary Valentın Hadanovıch.
Semınar qatysýshylary maıly daqyldar baǵasynyń odan ári ósýine jol bermeý úshin qajetti sharalar tizimin anyqtaýdy usyndy. Munyń bir joly – memleket qazir shıkizatty eksporttaýǵa kvotalardy iriktep, tipti belgili bir ýaqyt ishinde eksporttaýǵa tyıym salýy tıis. Valentın Hadanovıchtiń atqarýshy bılikke sharýalardan shıkizatty belgilengen baǵamen satyp alýdy usynady. Ary qaraı shıkizatty óńdeýshilerge jetkizip beretin sharýalarǵa maı-tuqym sýbsıdııalary berilýi kerek.
«Tıimdi sharalardyń biri – shıkizatty eksporttaýda baj salyǵyn arttyrý. Al qaıta óńdeýshi kásiporyndar osy kúrdeli ýaqytta damýdyń jańa baǵyttaryn izdeýi qajet. Mysaly, «Azımýt» JShS óndiriske jańa tehnologııalardy engizý úshin óńir ǵalymdaryn tartty, olar shıkizatty óńdeýdi tereńdetý esebinen maıly ónimniń baǵasyn tómendetýge kómektesedi», - dedi Valentın Hadanovıch.
Sonymen, «Aýyl» halyqtyq-demokratııalyq patrıottyq partııasy elde azyq-túlik, ásirese kúnbaǵys maıy baǵasyn turaqtandyrý úshin naqty sheshimderin usyndy. Partııa belsendileri bul máseleni nazarda ustaýǵa ýáde etti.


Joǵary qaraı