Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy mamandyqtaryna bólingen 3,7 myńnan astam grant ıgerilmegen

2021 jyldyń 23 qarasha 2021 10:18

NUR-SULTAN. QazAqparat – 2019-2021 jyldary aýyl sharýashylyǵy baǵyttar boıynsha ıgerilmegen bilim berý granttarynyń sany 3 778 birlikti qurady. Bul jaıynda Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Aýyl sharýashylyǵy salasynda kadrlar daıarlaýdy respýblıkanyń 25 joǵary oqý orny jáne aýyldyq jerlerde ornalasqan 169 tehnıkalyq jáne kásiptik bilim berý uıymdary júzege asyrady. Aýyl sharýashylyǵy baǵytyndaǵy («Aýyl sharýashylyǵy», «Veterınarııa») bilim berý baǵdarlamalary boıynsha JOO 8 myńnan astam stýdent oqıdy, onyń ishinde 7 myńnan astam adam memlekettik bilim berý tapsyrysy (budan ári – memlekettik tapsyrys) negizinde, TjKB uıymdarynda 38 myń adam oqıdy, onyń ishinde 35,9 myń adam, ıaǵnı 94%-y memlekettik tapsyrys boıynsha bilim alýda», - delingen Úkimet basshysynyń jaýabynda.

Onyń atap ótýinshe, aýyl sharýashylyǵy baǵytynda mamandardy daıarlaý úshin memlekettik tapsyrysy jyl saıyn bólinedi. 2021 jyly «Aýyl sharýashylyǵy jáne bıoresýrstar», «Veterınarııa» mamandyqtaryna 2920 grant (2020 jyly – 2720 grant, 2019 jyly – 2482 grant) bólindi.

«Bul rette, kórsetilgen mamandyqtar boıynsha granttar tolyq kólemde ıgerilmeıdi. Atap aıtqanda, 2019-2021 jyldary kórsetilgen baǵyttar boıynsha ıgerilmegen bilim berý granttarynyń sany 3778 birlikti qurady. «Máńgilik el jastary - Indýstrııaǵa!» («Serpin») jobasy (budan ári – «Serpin» jobasy) boıynsha 2021 jyly bólingen 5656 granttyń 2102-i (37%), 2020 jyly bólingen 5107 granttyń 979-y (19%) ǵana ıgerildi. Sonymen qatar, óńirler ákimdikteri, oqý oryndarynyń qabyldaý komıssııalary azamattardy JOO men TjKB uıymdarynda oqýǵa tartý boıynsha úgit-nasıhat jumystaryn júrgizedi. Onyń ústine, 2017 jyldan bastap zańnamalyq turǵyda jergilikti atqarýshy organdar granttar bólip keledi», - dedi Premer-Mınıstr.

Úkimet basshysy jaýabynda kóp balaly jáne az qamtylǵan otbasylardan shyqqan, onyń ishinde aýyldan shyqqan balalardy qoldaý maqsatynda jergilikti atqarýshy organdar 2017-2021 jyldar aralyǵynda 8 myńnan astam grant bólingenin aıtady. Budan basqa, qoldanystaǵy zańnama aıasynda aýyl jastary arasynan shyqqan azamattaryna aýyldyń áleýmettik-ekonomıkalyq damýyn aıqyndaıtyn mamandyqtarǵa JOO jáne TjKB uıymdarynda oqý úshin bekitilgen memlekettik tapsyrysynyń 30 paıyzy mólsherinde kvota kózdelgen atap ótedi.

«2021 jyly JOO-da oqý úshin aýyldyq kvota boıynsha (pedagogıkalyq ǵylymdar, áleýmettik ǵylymdar, jýrnalıstıka, aqparattyqkommýnıkatsııalyq tehnologııalar, medıtsına, ınjenerlik ǵylymdar, aýyl sharýashylyǵy jáne bıoresýrstar, bıznes jáne basqarý, qyzmet kórsetý) 16 myńnan astam grant bólinip, ıgerildi. Sondaı-aq, aýyl jastaryn qoldaýǵa baǵyttalǵan «Serpin» jobasy boıynsha memlekettik tapsyrystyń jalpy kóleminen 10 paıyz kvota qarastyrylǵan», - dedi ol.


Joǵary qaraı