Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aýyl sharýashylyǵy mınıstrligi bıyl astyq túsimi ósetinin boljady

2022 jyldyń 25 mamyr 2022 16:02

NUR-SULTAN. QazAqparat – Bıyl astyq túsimi gektaryna 0,7 tsentnerge artady. Bul týraly QR Aýyl sharýashylyǵy mınıstrligi Egin sharýashylyǵy departamentiniń dırektory Azat Sultanov aıtty, dep habarlaıdy QazAqparat tilshisi.

«Jalpy, «Qazgıdromet» qýańshylyqqa baılanysty oń boljam jasap otyr. Qazir egin egý jumystary júrgizilip jatyr. Biz kóktemgi qýańshylyqty boldyrmadyq. Aýa raıy qolaıly, jumys júrip jatyr. Jınaqtalǵan ylǵal bar. Fermerler qysqy kezeńnen qalǵan ylǵaldy jınaqtaý jáne saqtaý is-sharalaryn júzege asyrýǵa tıis bolatyn. Olar muny júzege asyrdy. Jaqsy ónim alýdyń jalǵyz joly – «ylǵaldy jabý», - dedi Azat Sultanov Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qolaıly aýa raıy astyq túsiminiń artýyna yqpal etedi.

«Fermerler ylǵal jınaý jumysyn júrgizdi. Jáne de bul astyq túsimi gektaryna keminde 0,7 tsentnerge artatyndyǵyna qatysty boljam jasaýǵa múmkindik beredi. Júrgizilgen is-sharalardyń arqasynda ósimdik qajetti ylǵalmen qamtamasyz etiledi», - dedi departament dırektory.


Joǵary qaraı