Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy mınıstrligi qazaqstandyqtardy Mańǵystaý oblysyna qarjylaı kómektesýge shaqyrdy

2021 jyldyń 12 tamyz 2021 08:26

NUR-SULTAN. QazAqparat – QR Aýyl sharýashylyǵy mınıstrligi Mańǵystaý oblysyndaǵy qurǵaqshylyqqa baılanysty úndeý jasady, dep habarlaıdy QazAqparat.

Qurmetti qazaqstandyqtar! Aýa raıynyń qolaısyzdyǵy men onyń saldary ońaı bolmaı tur. Qazaqstannyń kóptegen óńirlerindegi erekshe ystyq aýa raıy qurǵaqshylyqqa ákep soqty. Jaýyn-shashynnyń azdyǵynan Mańǵystaý oblysy qatty zardap shekti.

Úkimet pen jergilikti atqarýshy organdar zardap shekken aımaqqa qoldaý kórsetip, qajetti jumystardy atqaryp jatyr. Búkil el boıynsha eriktiler de qomaqty úles qosýda.

Aýyl sharýashylyǵy mınıstrliginiń qyzmetkerleri qolaısyz tabıǵı qubylystardan zardap shekken turǵyndar men fermerlerge kómek retinde, ózderiniń birkúndik jalaqylaryn Mańǵystaý oblysy ákimdiginiń uıymdastyrýymen qurylǵan arnaıy shotqa jiberedi.

Osyǵan oraı, mınıstrlik barlyq menshik nysanyndaǵy eńbek ujymdaryn qıyn jaǵdaıǵa tap bolǵan otandastarymyzdy qoldaýǵa jáne qoldan kelgenshe kómek kórsetýge shaqyrady.

Mınıstrlik saıtynda aqsha aýdarýǵa bolatyn rekvızıtter kórsetilgen.


Joǵary qaraı