Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy mınıstrligi Jambyl oblysynda júzege asyrylǵan pılottyq jobaǵa baǵa berdi

2021 jyldyń 25 aqpan 2021 18:00

TARAZ. QazAqparat – Jambyl oblysynda turǵyndardyń tabysyn arttyrý jónindegi pılottyq jobanyń nátıjeleri joǵary baǵalanýda. QR Aýyl sharýashlyǵy mınıstrligi onyń jalǵasýyn qoldaýǵa ázir. Bul týraly óńirge saparlap kelgen vedomstvo basshysynyń orynbasary Nurbek Daıyrbekov málimdedi, dep habarlaıdy QazAqparat tilshisi.

Aýyl sharýashylyǵy vıtse-mınıstrimen birge oblysqa jaýapty mınıstrlikterdiń ókilderinen quralǵan delegatsııa kelgen. Qazir olar joba boıynsha ótken jyly atqarylǵan jumystardyń náitıjelerin saralap júr. Birneshe aýdanda bolyp, pılottyq jobaǵa engen aýyldardy kórgen. Delegatsııa múshelerin oblys ákimi Berdibek Saparbaev qabyldady.

«Men baǵdarlamaǵa engen aýyldarda birneshe ret boldym. Joba bes baǵyt boıynsha júzege asyryldy. Eń basty maqsatymyz oryndaldy. Ataýly áleýmettik kómek alýshylar sany 32 paıyzǵa azaıyp, qatysýshylardyń ortasha tabysy 2,5 ese ósken. Nátıjesiz ózin ózi jumyspen qamtyǵandar sany 35 protsentke azaıdy. Úı irgesindegi jerin paıdalanatyn turǵyndardyń úlesi 95 protsentke jetti. Mal basynyń sany 45 myńǵa ósti. 11 kooperatıv 190 dana aýyl sharýashylyǵy tehnıkasyn lızıngke aldy», - dep atap ótti Berdibek Saparbaev.

Óńirde sondaı-aq, «Alqaptan sórege deıin» jobasy da sátti júzege asqanyn atap ótti aımaq basshysy. Memleketten bólingen 1 mlrd teńge tolyq ıgerilip, aýyl sharýashylyǵy ónimderin satýda deldaldardyń úlesin azaıtýǵa múmkindik berdi. Nátıjesinde ónimdi mańdaı terin tógip ósirgen sharýalardyń tabysy artty.

«Bıyl biz pılottyq jobaǵa 20 aýyldyq okrýgty engizýdi josparlap otyrmyz. Onyń nátıjesinde aýyldyq turǵyndardyń tabysyn arttyryp, aýyl sharýashylyǵy ónimin 2,2 ese ósirýdi maqsat etýdemiz. Baǵdarlamanyń basy jaqsy, endi ony aıaǵyna deıin jetkizý kerek. Óıtpegen jaǵdaıda halyqtyń memlekettik baǵdarlamalarǵa degen senimi azaıady dep sanaımyn»,- dep atap ótti aımaq basshysy.

Aýyl sharýalshylyǵy vıtse-mınıstri Nurbek Daırbekov óńirde atqarylǵan jumystarǵa ásirese, qala men aýdandarda ashylyp jatqan Áleýmettik dúkenderdiń jumysyna joǵary baǵa berdi. Pılottyq jobany jalǵastyrýdy mınıstrlik qoldaıtynyn jetkizdi.

«Sońǵy kúnderi birneshe aýylda boldyq. Oblysta kóp jumys atqarylǵanyna kózimiz jetti. Mundaǵy áleýmettik dúkenderde mańyzdy taýarlardy arzan baǵamen satyp alýǵa bolatyny qýantty. Eger ol dúkenderdiń jelisi keńeıetin bolsa, ekonomıkalyq effektisi joǵary bolmaq. Pılottyq jobaǵa keler bolsaq, aýyldyqtardyń onyń jalǵasýyn qajet etetini kórinip tur. Salynǵan jylyjaılar, sút óńdeý mekemesi jáne taǵy da basqa jobalarǵa jol ashylǵany quptarlyq is. Biz mınıstrlik tarapynan ony qoldaýǵa daıynbyz»,- dedi Nurbek Daıyrbekov.


Joǵary qaraı