Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy mınıstrliginiń is-áreketinde básekeni shekteý belgileri bar - agenttik

2021 jyldyń 15 maýsym 2021 16:45

NUR-SULTAN. QazAqparat - Básekelestikti qorǵaý jáne damytý agenttigi qus fabrıkalarynyń ótinishin qaraý qorytyndysy boıynsha Aýyl sharýashylyǵy mınıstrligine qatysty memlekettik organnyń básekelestikke qarsy is-qımyl belgileri boıynsha tergeýdi bastady. Bul jaıynda agenttiktiń saıtyna silteme jasap QazAqparat habarlaıdy.

Monopolııaǵa qarsy zańnamany QR AShM taýyq jumyrtqasyn óndirýshilerge sýbsıdııalardy bólý kezinde buzǵany anyqtaldy. Tergeý nátıjeleri boıynsha tıisti baǵa beriletin bolady.

Budan bólek, Básekelestikti qorǵaý jáne damytý agenttigine kelip túsken ótinishtiń negizinde QR AShM Aýyl sharýashylyǵy janýarlaryn sáıkestendirý erejesine taldaý júrgizildi.

Onda malǵa arnalǵan sáıkestendirý quraldaryn (qulaq syrǵalaryn) áleýetti jetkizýshilerge qoıylatyn talaptar qamtylǵan.

Belgili bolǵandaı, bul ereje áleýetti jetkizýshilerdiń memlekettik satyp alýǵa qatysýyn shekteıdi, óıtkeni onda aýyl sharýashylyǵy janýarlaryn sáıkestendirý júrgizýge arnalǵan quraldy sertıfıkattalǵan ónimi janýarlar týraly jazbalardy júrgizý jónindegi halyqaralyq uıymnyń (ICAR) ınternet-resýrsynda usynylǵan óndirýshiler daıyndaıdy delingen.

Al Qazaqstan naryǵynda ónimderi ICAR ınternet-resýrsynda kórsetilmegen malǵa arnalǵan qulaq syrǵalaryn óndirýshiler bar.

Anyqtalǵan faktiler negizinde QR AShM-ǵa monopolııaǵa qarsy zańnamany buzý belgilerin joıý týraly eskertý engizildi.

Eskertý zańnamada belgilengen merzimde oryndalmaǵan jaǵdaıda agenttik tergep-tekserýdiń júrgizilýine bastamashylyq etedi.


Joǵary qaraı