Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy óndirýshileri sýbsıdııalaý salasyndaǵy jemqorlyqqa qarsy óz usynystaryn aıta alady

2021 jyldyń 14 maýsym 2021 16:53

NUR-SULTAN. QazAqparat - Aýyl sharýashylyǵy óndirýshilerin sýbsıdııalaý salasyna keshendi sybaılas jemqorlyqqa qarsy taldaý bastaldy, dep habarlaıdy QazAqparat.

Memleket basshysynyń tapsyrmasy boıynsha Sybaılas jemqorlyqqa qarsy is-qımyl agenttigi agroónerkásiptik keshendegi sýbsıdııalaý salasyna aýqymdy taldaý júrgizýdi bastaıdy.

Bul jumystyń maqsaty – sýbsıdııalardy alý úshin ótinimderdi tapsyrý sátinen bastap, ony berýdiń ashyq, ári ádil júıesin qamtamasyz etý, sybaılas jemqorlyq pen bıýrokratııa deńgeıin tómendetý, bıznes júrgizýge kedergi keltiretin ákimshilik kedergilerdi joıý bolyp tabylady.

Ol úshin barlyq normatıvtik qujattar, óńirlerde sýbsıdııalar berýdiń tájirıbesi, qylmystyq ister men sot sheshimderi, aýyl sharýashylyǵy óndirýshileriniń shaǵymdary men ótinishteri taldanatyn bolady.




Halyqpen kezdesip, jaǵdaıdy zerdeleý úshin arnaıy toptardyń óńirlerge shyǵýy uıymdastyrylady.

Azamattardyń pikirleri men usynystaryn alý úshin taldau@antikor.gov.kz elektrondyq poshtasy, sondaı-aq +7 778 668 99 20 WhatsApp nómiri jumys isteıdi.

Jumys tobynyń ókilderine «Atameken» Ulttyq kásipkerler palatasynyń fılıaldary men elimizdiń barlyq óńirlerindegi Agenttik departamentteriniń Antikor-ortalyqtary arqyly júginý múmkindigi de qarastyrylǵan.

Barlyq problemalyq suraqtar men buzýshylyqtardyń naqty faktileri boıynsha joǵaryda kórsetilgen baılanys arnalary arqyly habarlasýdy suraımyz.

Agenttik yntymaqtastyqqa jáne barlyq beıjaı qaramaıtyn azamattardy qatysýǵa shaqyrady.


Joǵary qaraı