Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldaǵy azamattyq belsendilikti damytý kerek - sarapshy

2021 jyldyń 26 qarasha 2021 22:00

ALMATY. QazAqparat - Ómir deńgeıniń tómendiginen aýyldan kóship jatqan adamdardyń sany jyl saıyn ósip jatyr. Bul týraly Almatyda ótken H Azamattyq forým barysynda «Qatonqaraǵaı aýdanynyń turaqty damýy» qoǵamdyq qorynyń dırektory Serik Júnisov málim etti, dep habarlaıdy QazAqparat tilshisi

Onyń aıtýynsha, sońǵy 18 jyldyń ishinde ShQO Katonqaraǵaı aýdanynyń halyq sany eki esege azaıyp ketken. Bul trend ózgermese, jaqyn 5 jylda 13 aýyl bos qalady.

«Ómir deńgeıniń tómendiginen aýyldan kóship jatqan adamdardyń sany jyl saıyn ósip jatqanyn biletin shyǵarsyzdar. Mysaly, sońǵy 18 jyldyń ishinde Katonqaraǵaı aýdanynyń halyq sany eki esege azaıyp 20 myńǵa jetti. Bul trend ózgermese, jaqyn 5 jylda 13 aýyl bos qalady, 10 jyldan soń aýdandaǵy adam sany 500-ge jeter jetpesteı bolady. Osyndaı stsenarııdyń aldyn alý úshin aýdannyń turaqty damý strategııasy jasalyp shyqqan bolatyn. Strategııa ekonomıka, áleýmettik jáne qorshaǵan ortany damytýdy qamtıdy. Bul men qatysyp júrgen aýyldyq aımaqtardy damytý qorynyń jobalary. Ekonomıka salasynda Qor týrıstik klasterdi damytý jobasyn júzege asyryp jatyr»,- deıdi Serik Júnisov.

Sonymen qatar, ol týrızm arqyly aýyl turǵyndaryn turaqty tabys kózimen qamtamasyz etý maqsatynda arnaıy oqytý, qonaq úılerdi ashýǵa granttar berý, týrısttik marshrýttardy jasap, jańa týrısttik ónimderdi qoldaý jumystary júzege asyp jatqanyn aıtty.

«Bul sharalar aýdanymyzdan shyqqan kásipkerlerdiń esebinen qarjylandyrylady.10 jyldyń ishinde týrısttik klaster 5700 adamdy jumyspen qamtyp, ekonomıkanyń naqty sekorynyń 30 paıyzyn qamtamasyz etedi degen jospar bar. Áleýmettik salada Qor Nazarbaev ıntellektýaldy mektepterimen birlesip «Powered by NIS aýyldyq mektebi» jobasyn júzege asyrady. Jobanyń maqsaty qala men aýyl mektepterindegi bilim sapasynyń alshaqtyǵyn azaıtý. Qor bizdiń aýdanymyzdaǵy úsh mektepti NISh standarty boıynsha jabdyqtap jatyr: Úlken-Naryn orta mektebi, Lastaev atyndaǵy orta mektebi, Órel orta mektebi. Mysaly, Lastaeva atyndaǵy orta mektebinde jalpy quny 70,5 mln teńgege 9 synyp pen kitaphana jabdyqtaldy.

Kelesi jyly tek qana osy mektepte quny 25 mln 5 synyp jabdyqtalady. Jalpy ár mektepkke qor 200 mln teńgeden jumsaýǵa josparlap otyr. Nazarbaev ıntellektýaldy mektebi óz tarapynan muǵalimderdiń biliktiligin arttyrý maqsatynda oqý kýrstaryn ótkizip, ádistemelik qoldaý jasap keledi. Jalpy, aýyldaǵy azamattyq belsendilikti damytý kerek»,- deıdi ol.

Spıkerdiń sózinshe, atalmysh jobalar aýyldastarymnyń erteńgi kúnge degen senimin nyǵaıyp, mıgratsııalyq kózqarastaryna oń septigin tıgizetini anyq.


Joǵary qaraı