Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldarda balalardy shymyrlyqqa baýlıtyn dástúrli boks pen kúresti damytý kerek - Qyrymbek Kósherbaev

2020 jyldyń 27 qarasha 2020 12:02

NUR-SULTAN. QazAqparat - Jergilikti jerlerde bıýdjetti qarastyrǵanda qymbat sport klýbtaryna emes balalar men jasóspirimderdiń úıirmeleri men sektsııalaryna qarajat bólýge mán berý kerek. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Biz jas urpaqtyń sábı shaqtarynan mádenıet, ǵylym jáne bilim berý úıirmelerine baryp, sport sektsııalaryna qatysýyna barynsha jaǵdaı jasaýymyz kerek. Óıtkeni, bul balalardy ózara biriktirip, uıymdasyp tirlik etýge jaqyndastyratyn ózindik tárbıe mektebi bolmaq. Jergilikti atqarýshy organdar azamattyq qoǵam ókilderimen birlesip, balǵyn búldirshinderdiń talanttaryn ashyp, talaptaryn shyńdaýǵa, olardyń bıik maqsattarǵa umtylýyna jol kórsetýi tıis», - dedi Memlekettik hatshy.

Sonymen qatar ol jergilikti jerlerde bıýdjetti qarastyrǵanda qymbat sport klýbtaryna emes balalar men jasóspirimderdiń úıirmeleri men sektsııalaryna qarajat bólý máselesine kóp mán berý kerektigin basa aıtty.

«Munan bólek, biz qaı jerde turatynyna qaramastan balalardyń quqyǵymen qajettiligi birdeı ekendigin eskerýimiz kerek. Sondyqtan aýyl men qala balalarynyń arajigin alshaqtatpaı ekeýine birdeı deńgeıde kóńil bólinýi tıis. Árıne, elimiz keń baıtaq. óńirlerdiń ósý múmkindigi de árqalaı. Aımaqtardaǵy uıymdastyrýshylyq, qarjylyq, kadrlyq áleýet bárinde birdeı teń emes. Biraq, biz bar múmkindikti qarastyryp, birinshi kezekte aýyldyq mádenıet jáne demalys oryndaryn, sport úıirmelerin damytýǵa kúsh salýymyz qajet. Aýyldyq jerlerde mádenıet, demalys jáne sport salalar boıynsha barsha uǵymdy, ıkemdi standarttar qalyptastyrý qajet», - dedi ol.

Memlekettik hatshy turǵylyqty halyqtyń sany men jergilikti bıýdjettiń múmkindigin saralaı otyryp, memlekettiń nemese demeýshilerdiń esebinen balalardy fýtbol, hokkeı, voleıbol, basketbol sııaqty komandalyq oıyn túrlerine jattyqtyratyn bapkerlerdi qyzmetke tartý kerektigin de aıtty.

«Sporttyń naq osy komandalyq túrleri balalardy basqa qurdastarymen óara sanasyp, olardyń ujymdasyp sheshim qabyldaýǵa tárbıeleıdi. Buǵan qosa, aýyldarda balalardy shymyrlyqqa baýlıtyn dástúrli boks pen kúresti damytyp, jastardyń dúnıetanymy men oılaý qabiletin shyńdaıtyn sporttyń shahmat, kıbersport jáne basqa da ıntellektýaldyq túrlerin órkendetý kerek», - dedi Qyrymbek Kósherbaev.


Joǵary qaraı