Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldardaǵy aýyz sý sapasyna montorıng jasaıtyn ınteraktıvti karta jasaldy

2021 jyldyń 13 qazan 2021 13:18

NUR-SULTAN. QazAqparat – Aýyldardaǵy aýyz sý sapasyna montorıng jasaıtyn karta iske qosyldy, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Beıbit Shahanov ortalyq kommýnıkatsııalar qyzmetinde ótken brıfıngide osyndaı málimet berdi.

«Aýyldardy sýmen jabdyqtaýmen qamtýdy monıtorıngileý úshin auylsu.kz deıtin ınteraktıvti karta ázirlenip, qoldanysqa jiberildi. Onda túrli parametrler boıynsha jaǵdaı kórsetilgen. Onyń ishinde sýmen jabdyqtaýmen qamtylýy, qarjylandyrý, qarajat qajettiligi, halyq sanyn jelilerdiń uzyndyǵy, tozý deńgeıi jáne málimetter bar. Búgingi kúni atalǵan karta ınternette qoljetimdi», - degen mınıstrlik ókili keleshekte turǵyndar sý sapasy men ınteraktıvtegi kartadaǵy málimetterdiń alshaqtyǵyna shaǵym túsirý tetigin iske qosý kózdelgenin atady.

«Búginde ınteraktıvti kartany jetildirý úshin halyqpen keri baılanysty ornatatyn qosymsha fýnktsııany qosý boıynsha sharalar qabyldap jatyrmyz. Sondaı-aq, aýyz sýdyń berilýiniń úzdiksizdigi jáne kórsetiletin qyzmetterdiń sapasy boıynsha aqparat qosylatyn bolady», - dedi Beıbit Shahanov.


Joǵary qaraı