Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyr atlet Rahat Bekbolat endi eresekter arasynda synǵa túsedi

2021 jyldyń 16 qazan 2021 02:03

QYZYLORDA. QazAqparat - Aýyr atletıkadan jasóspirimder arasyndaǵy álem chempıony qyzylordalyq Rahat Bekbolat endi eresekter arasynda synǵa túsedi, dep habarlaıdy QazAqparat tilshisi.

Oblys ákimi Gúlshara Ábdiqalyqova jasóspirimder arasynda álem chempıony atanǵan aýyr atlet Rahat Bekbolatpen kezdesti.

Júzdesýge oblys ákiminiń orynbasary Serik Ahmet, oblystyq aýyr atletıka federatsııasynyń prezıdenti Temirhan Kenjebaev, QR eńbegi sińgen jattyqtyrýshy Nurjan Smahanov jáne aýyr atletıkadan 4 dúrkin álem chempıony Ilıa Ilın qatysty.

Qyzylordalyq 17 jastaǵy ziltemirshi 11 qazan kúni Saýd Arabııasynyń Djıddada qalasynda ótken álem chempıonatynda 102 kelige deıingi salmaqta altynnan alqa taqty.

Ol qossaıystyń qorytyndysymen 355 keli salmaqty eńserdi.

Osylaısha Rahat jasóspirimder arasynda ekinshi márte álem chempıony atandy.

Kezdesýde aımaq basshysy álemdik arenada el abyroıyn asqaqtatyp, oljaly oralǵan sportshyny jeńisimen quttyqtap, ıgi tilegin arnady.

«Árbir jeńis eńbeksiz kelmeıdi. Elimizde qoldaýdyń nátıjesinde sportshylar úzdiksiz jalyqpaı jattyǵýǵa múmkindik aldy. Árbir jas jarysqa jaýaptylyqpen qaraıdy. Olarǵa bilikti bapkerler keńesin berip júr. Osynyń arqasynda osyndaı zor jetistikterge qol jetkizip otyrmyz. Boksshy Qamshybek Qońqabaev bıyl Olımpıadada júldeli oraldy. Endigi kezekte seniń bul jeńisiń -el egemendiginiń 30 jyldyq mereıli belesindegi tolaǵaı tabystyń biri», - dedi Gúlshara Ábdiqalyqova.

Júzdesý barysynda Rahat Bekbolat jarys kezindegi erekshe sátterimen bólisti.

Qoldaý kórsetken jankúıerlerine alǵysyn bildirip, el mártebesin odan ári asyrýǵa daıyn ekendigin jetkizdi.

Oblys ákimi Rahat Bekbolatqa jerlesteri atynan syı-sııapat retinde demeýshiler esebinen 1 mıllıon teńgeniń sertıfıkatyn tabystady.

Aıta keteıik, Rahat Bekbolat ótken jyly Perýdiń Lıma qalasynda onlaın formatta ótken Álem kýbogynda jeńimpaz atanyp, el mártebesin asyrdy.

Júzdesý barysynda qyzylordalyq sportshy endi eresekter arasynda baq synaıtyn aıtyp ótti.

Aldaǵy jeltoqsan aıynda Ózbekstan astanasy Tashkent qalasynda álem chempıonaty jalaýyn kóteredi.

Oǵan qazaqstandyq aýyr atletter Almaty qalasynda daıyndyq júrgizedi.


Avtor Ádiljan Úmbet
Basty sózder: Sport, Qyzylorda oblysy,
Joǵary qaraı