Aýa raıy
Astana 19 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Aýyr atletıkadan álem birinshiliginiń alaýy tutandy

2019 jyldyń 18 qyrkúıek 2019 21:18

NUR-SULTAN. QazAqparat – Búgin Taılandtyń Pattaııa qalasynda aýyr atletıkadan 85-shi álem chempıonatynyń shymyldyǵy túrildi, dep habarlaıdy QazAqparat tilshisi.

Atalǵan birinshilikte áıelder arasyndaǵy básekede Qazaqstannan 55 keli salmaqta Zúlfııa Chınshanlo men 71 keli salmaqta Ekaterına Bykova el namysyn qorǵaıdy.

Al erler arasynda segiz ziltemirshi baq synaıdy. Atap aıtar bolsaq, 55 keli salmaq dárejesinde Arlı Chonteı men Igor Son, 81 keli salmaqta da eki birdeı atletimiz synǵa túsedi. Olar - Nıjat Rahymov pen Aıdar Qazov.

Al 89 keli salmaq dárejesinde Denıs Ýlanovqa úmit artylsa, 96 keli salmaqta Ilıa Ilınge senim artamyz. 109 keli salmaqta Ibragım Bersanov el namysyn qorǵamaq.

Aıta keteıik, Pattaııadaǵy álem chempıonaty Olımpıada oıyndaryna irikteý týrnırleriniń sanatyna jatady.

27 qyrkúıek kúni máresine jetetin jarysta erler men áıelder toǵyz medal jıyntyǵyn sarapqa salady.


Avtor Kúnsultan Otarbaı
Basty sózder: Sport, Olımpıada-2020,
Joǵary qaraı