Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Aýyr atletıkadan álem chempıonatynda Qazaqstan qorjynyna kúmis júlde tústi

2019 jyldyń 18 qyrkúıek 2019 21:27

NUR-SULTAN. QazAqparat – Búgin Taılandtyń Pattaııa qalasynda aýyr atletıkadan ótip jatqan álem chempıonatynda qazaqstandyq Igor Son el qorjynyna alǵashqy medaldi saldy, dep habarlaıdy QazAqparat tilshisi.

55 keli salmaq dárejesinde synǵa túsken jerlesimiz qossaıys nátıjesi boıynsha 266 (120+146) kelini baǵyndyryp, kúmis júldeger atandy. Osy salmaqta synǵa túsken taǵy bir otandasymyz Arleı Chontı qossaıys qorytyndysy boıynsha (118 + 145) 263 kelini baǵyndyryp, besinshi orynǵa taban tiredi.

Bul salmaqta bas júldeni qossaıys qorytyndysy boıynsha 294 (128 + 166) kelini eńsergen Soltústik Koreıa ókili Om ıÝn Chhol jeńip alsa, úzdik úshitikti 265 (118 + 147) kelini eńsergen ırandyq Abdýlrahım ál Salıma túıindedi.

Aıta keteıik, atalǵan birinshilikte áıelder arasyndaǵy básekede Qazaqstannan 55 keli salmaqta Zúlfııa Chınshanlo men 71 keli salmaqta Ekaterına Bykova el namysyn qorǵap jatyr.

Al erler arasynda 8 ziltemirshi baq synaıdy. Atap aıtar bolsaq, 55 keli salmaq dárejesinde Arlı Chonteı men Igor Son, 81 keli salmaqta da eki birdeı atletimiz synǵa túsedi. Olar - Nıjat Rahymov pen Aıdar Qazov.

Al 89 keli salmaq dárejesinde Denıs Ýlanovqa úmit artylsa, 96 keli salmaqta Ilıa Ilınge senim artamyz. 109 keli salmaqta Ibragım Bersanov el namysyn qorǵamaq.

Aıta keteıik, Pattaııadaǵy álem chempıonaty Olımpıada oıyndaryna irikteý týrnırleriniń sanatyna jatady.

27 qyrkúıek kúni máresine jetetin jarysta erler men áıelder toǵyz medal jıyntyǵyn sarapqa salady.





Avtor Kúnsultan Otarbaı
Basty sózder: Sport,
Joǵary qaraı