Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Aýyz sýmen qamtylmaǵan 90 aýylǵa sý qubyry jetkiziledi - Maǵzum Myrzaǵalıev

2020 jyldyń 27 qazan 2020 09:52

NUR-SULTAN. QazAqparat - Aýyz sýmen qamtamasyz etilmegen 90 aýyldyq eldi mekenge sý qubyry jetkiziledi. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Endi paıdalanyp otyrǵan toptyq sý qubyrlarynyń jaǵdaıyna toqtalsaq. Jospar boıynsha, 2025 jylǵa deıin 11 toptyq sý qubyrlary qaıta jańartylyp, jóndeledi. Onyń ishinde birqatar sý qubyrlary uzartylady. Osynyń arqasynda buǵan deıin sapaly sýy bolmaǵan 87 aýyldyq eldi meken taza aýyz sýmen qamtamasyz etiledi. 104 myńǵa jýyq adamdy qamtıdy. Sonymen qosa, 321 aýyldyq eldi mekenniń aýyz sý berý júıesi jańartylatyn bolady. Bul óz kezeginde 525 myń adamdy qamtıdy», - dedi ol.

Jalpy mınıstrdiń aıtýynsha, «Nurly jer» memlekettik baǵdarlamasy aıasynda 2025 jylǵa deıin toptyq sý qubyrlary jobalaryna 133 mlrd teńgeden astam qarajat bólý josparda bar. Onyń ishinde jańadan salýǵa 14,5 mlrd teńge, al qaıta jańartýǵa 118,5 mlrd teńge bólinbek. Osynyń esebinen aldaǵy bes jylda jańadan 1,5 myńǵa jýyq shaqyrym qubyr jelileri salynady jáne 1720 shaqyrymy qaıta jańartylyp, qajetti jóndeý jumystary júrgiziledi.

«Atqarylatyn jumystardyń arqasynda buryn aýyz sýmen qamtamasyz etilmegen 90 aýyldyq eldi mekenge sý qubyry tartylyp, 105 myń turǵyn sapaly aýyz sýǵa qoljetimdi bolady. Sonymen qatar, 321 eldi mekenniń aýyz sý berý júıesi jóndelip, jańartylady. Bul 520 myńnan astam adamdy qamtıdy. Jalpy, 5 jyl ishinde 3 myńnan astam shaqyrym toptyq sý qubarlary salynady. Aýyz sýmen qamtamasyz etý kórsetkishin júz paıyzǵa jetkizý josparlanǵan. Eldi mekenderdi aýyz sýmen qamtamasyz etý máselesi mınıstrliktiń únemi baqylaýynda», - dedi Maǵzum Myrzaǵalıev.


Joǵary qaraı