Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Avtobýsta oqýshy qyzǵa tıisken kúdikti ustaldy

2022 jyldyń 20 mamyr 2022 14:28

NUR-SULTAN. QazAqparat – Elorda turǵyny avtobýsta belgisiz er adamnyń 12 jastaǵy qyzyna tıiskenine shaǵymdandy, dep habarlaıdy QazAqparat tilshisi.

Qala turǵyny Instagram paraqshasynda kúdiktiniń sýretin de, vıdeosyn da jarııalap otyr.

Onyń jazýynsha, kúdikti qoǵamdyq kólikte qyzynyń jambasynan sıpaǵan. Qyzy odan alysqa baryp tursa da, ol qasyna kelip áreketin taǵy qaıtalaǵan. Kúdiktini oqýshy qyzdyń anasyna shalǵan vıdeqońyraýy ǵana toqtatqan.

Qyzdyń anasy oryn alǵan oqıǵa jaıynda polıtsııaǵa da shaǵym túsirgen. Nur-Sultan qalalyq polıtsııa departamenti osy shaǵym negizinde kúdiktiniń ustalǵanyn málimdep otyr.

«2022 jyldyń 19 mamyry kúni saǵat 20:12-de «Saryarqa» aýdandyq polıtsııa basqarmasyna qoǵamdyq kólikte kámelettik jasqa tolmaǵan qyzǵa tıisken belgisiz er adamǵa qatysty shara qoldaný týraly shaǵym tústi. Qazirgi ýaqytta atalǵan adam ustalyp, tergeý amaldary júrgizilip jatyr», - dep málimdedi departamentten.


Joǵary qaraı