Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Avtosalondar jańa kólikterdi qosymsha qondyrǵymen satyp alýdy mindettegen

2022 jyldyń 18 mamyr 2022 13:26

ALMATY. QazAqparat – Almaty qalasynyń prokýratýrasy avtosalondardyń qosymsha qyzmetteri men jańa kólikterge aksessýarlardy satyp alýǵa májbúrleýdiń zańdylyǵyna taldaý júrgizdi, dep habarlaıdy QazAqparat tilshisi.

Qadaǵalaý organy avtosalondardyń mundaı áreketi zańǵa qaıshy ekenin anyqtady. Avtodılerler kólikterdi satqanda bul qyzmetter men kerek-jaraqtardy ornatýdy tutynýshylarǵa júkteıdi.

«QR Konstıtýtsııasynyń 26-babyna sáıkes, monopolııalyq qyzmet zańmen retteledi jáne shekteledi. Josyqsyz básekelestikke tyıym salynady. «Tutynýshylardyń quqyǵyn qorǵaý týraly» Qazaqstan Respýblıkasy Zańynyń 8-1-babyna sáıkes, catýshy tutynýshymen jasalǵan sharttarǵa tutynýshynyń quqyǵyn buzatyn jáne olarǵa qysym jasaıtyn talaptardy engizbeýge tıis.

Zańnyń 28-babyna sáıkes satýshy tutynýshyǵa tıisti sapadaǵy taýarlardy tutynýshyǵa yńǵaıly ýaqytta erkin tańdaýdy qamtamasyz etýge mindetti. Tutynýshyny qajetsiz mólsherde jáne assortımentte ónimdi satyp alýǵa májbúrleýge tyıym salynady», - dep túsindirdi prokýratýradan.

Shart jasasý kezinde tutynýshynyń quqyǵyn buzatyn jaǵdaıdyń biri — satýshynyń aqyly taýarlar boıynsha qosymsha mindet júkteýi.

«Joǵaryda aıtylǵandardy eskere otyryp, 5 naýryz kúni qadaǵalaý organy Almaty qalasy Básekelestikti damytý jáne qorǵaý departamentine zańdylyqty buzýshylyqty joıýdy usyndy. Qazirgi ýaqytta ýákiletti organ jańa avtokólikterdi satý boıynsha dılerlik ortalyqtardyń taýar naryǵyndaǵy básekelestik ortanyń jaı-kúıine taldaý jasaýdy aıaqtady», - dep atap ótti vedomstvodan.


Joǵary qaraı