Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aıazda kóligi synyp, bir shaqyrymdaı jaıaý júrgen júrgizýshi qutqaryldy - ShQO

2021 jyldyń 22 qańtar 2021 18:49

ÓSKEMEN. QazAqparat – Shyǵys Qazaqstan oblysy Tarbaǵataı aýdanynda kóligi synyp jolda qalǵan adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, er adam Toyota Rav-4 avtokóligimen Tarbaǵataı aýdany Jetiaral aýylynan Meńdeke qystaǵyna qaraı baǵyt alǵan. Jolda kóligi synyp qaldy.

«Uıaly baılanys ustamaǵandyqtan ol qutqarýshylarǵa habarlasý úshin bir shaqyrymdaı jaıaý júrgen. Habar túse sala №52 órt sóndirý bóliminiń qyzmetkerleri sol jerge attandy. Olar azamatty Jetiaral aýylyna deıin jetkizip tastady. Al kólik «KÝNG» tehnıkasymen jaqyn mańdaǵy sharýa qojalyǵyna deıin jetkizildi», - dep habarlady vedomstvo ókilderi.

Osy rette, TJD óńir turǵyndaryna alys saparǵa shyqqan kezde Darmen mobıldi qosymshasy arqyly joldardyń jaı-kúıin aldyn ala bilip alýǵa keńes beredi. Sondaı-aq qandaı da bir qıyn jaǵdaıǵa tap bolǵanda 112 nómirine qońyraý shalý kerektigin aıtady.


Joǵary qaraı