Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áıel daýysymen sóılegen – astanada er adam zeınetkerdi aldady

2022 jyldyń 13 mamyr 2022 14:27

NUR-SULTAN. QazAqparat – Elordanyń polıtsııa qyzmetkerleri jedel-izdestirý is-sharasy barysynda elordalyq zeınetkerdi aldap, qomaqty qarajatyn alyp ketken kúdiktini Qaraǵandy qalasynan ustady, dep habarlaıdy QazAqparat tilshisi.

Nur-Sultan qalalyq Polıtsııa departamentiniń málimetinshe, buryn isti bolǵan 36 jastaǵy er adam elordada turatyn zeınetkerdiń qalalyq telefon nómirine qońyraý soqqan. Qaskúnem aldymen áıel daýysymen sóılep, zeınetkerge qyzy ekendigin aıtqan. Ózin jolda polıtseıler toqtatyp, jibermeı jatqanyn jetkizgen. Osydan keıin óz daýysymen polıtsııa qyzmetkeri róline kirip, qyzynyń esirtki zattarymen ustalǵanyn aıtqan. Kúdikti máseleni sheshý úshin zeınetkerden 300 myń teńge talap etken.

«Zeınetker aqshany konvertke salyp, úı aýlasynda kórsetilgen jerge qoıǵan. Keıin kúdikti konvertti alyp, boı tasalaǵan. Biraz ýaqyttan keıin zeınetker aldanyp qalǵanyn túsinip, birden polıtsııaǵa júgingen. Polıtsııa qyzmetkerleri kúdiktini ustady. Ol alaıaqtyq jasaǵanyn moıyndady», - dep atap ótedi departamentten.

Vedomstvonyń habarlaýynsha, kúdiktige qatysty QR QK-niń 190-baby 1-bóligi (alaıaqtyq) boıynsha tergeý júrgizilip jatyr. Sondaı-aq onyń elorda aýmaǵynda osyndaı qylmysqa qatysynyń bar-joǵy anyqtalyp jatyr.


Joǵary qaraı