Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Áıgili fýtbolshy Dıego Maradona dúnıeden ótti

2020 jyldyń 25 qarasha 2020 22:52

NUR-SULTAN. QazAqparat - Búgin álemge áıgili fýtbolshy Dıego Armando Maradona qaıtys boldy. Bul týraly QazAqparat «Telam» aqparat agenttigine silteme jasap habarlaıdy.

«Argentınalyq juldyz Dıego Armando Maradona 60 jasynda júrek jetispeýshiliginen qaıtys boldy», - delingen saıtta.

Aqparatqa sáıkes, álemdik fýtbol juldyzyna 3 qarasha kúni ota jasalǵan.

D.Maradona 1960 jyldyń 30 qazanynda Argentınanyń Lanýs qalasynda dúnıege keldi. Fýtboldaǵy mansabyn 1976 jyly óz eliniń «Arhentınos Hýnıors» komandasynda bastady. Odan keıin sol eldegi «Boka Hýnıors» klýbynda dop tepti. 1982-1984 jyldarda Eýropada «Barselona», 1984-1991 jyldarda «Napolı», 1992-1993 jyldarda «Sevılıa» klýbtarynyń namysyn qorǵady. Al 1993-1997 jyldarda Argentınanyń «Nıýells Old Boız», «Boka Hýnıors» komandalarynda dop tepti.

1994 jyldan bastap bapkerlik qyzmetke bet burdy. Aldymen óz elindegi «Tekstıl Mandııý» komandasyn jattyqtyrǵan ol, 1995 jyly «Rasıng» komandasynyń tizginin ustady. 2008-2010 jyldarda Argentına quramasyna jetekshilik jasady. Al 2011-2012 jyldarda Birikken Arab ámirliginiń «Al-Vasl», 2017-2018 jyldarda «Al-Fýdjaıra» komandalarynda bas bapker boldy. Sondaı-aq, 2018-2019 jyldarda Meksıkanyń «Dorados» klýbyn jattyqtyrsa, 2019 jyldan beri Argentınanyń «Hımnasııa-Esgrıma» klýbynyń tizginin ustady.





Avtor Ádiljan Úmbet
Basty sózder: Sport,
Joǵary qaraı