Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aılın, Álıhan: Astanalyqtar jańa týǵan nárestelerine qandaı esimder beredi

2021 jyldyń 8 jeltoqsan 2021 18:24

NUR-SULTAN. QazAqparat - Osy jyldyń 11 aıynda Nur-Sultanda 32 146 bala óziniń alǵashqy qujaty—týý týraly kýáligin aldy. Bul ótken jyldyń sáıkes kezeńimen salystyrǵanda 3 myńǵa kóp, dep habarlaıdy QazAqparat qala ákimdiginiń resmı saıtyna silteme jasap.

Aýdandar ákimdikteriniń AHAT bólimderiniń málimeti boıynsha, 2021 jyldyń 1 qańtarynan 30 qarashasyna deıin elordada 32 146 bala týý týraly kýálik aldy. 2020 jyldyń sáıkes kezeńinde qalada 29 083 sábı dúnıege keldi.

Bıyl Nur-Sultandaǵy eń tanymal esim Aılın boldy. Jańa týǵan 437 qyz osy esimmen ataldy. Ekinshi orynda – Medına, bul esim 414 sábıge berildi. Qyz balalarǵa kóp qoıylatyn TOP-15 esim qataryna, sondaı-aq Aısha, Ámına, Tomırıs, Aıala, Aızere, Raıana, Safııa, Asylym, Aıarý, Márııam, Aıym, Aısha, Zere kirdi.

2021 jyly uldar arasynda kóbine 360 bala Álıhan esimimen atalǵan. TOP-15 quramyna Ámir, Alan, Álı, Aldııar, Arlan, Omar, Altaır, Aısultan, Sanjar, Ibrahım, Islam, Ramazan, Erasyl, Arsen sııaqty esimder kirdi.
Málimetke sáıkes, bıyl qalada nekeni resmı tirkegen jańa otbasylar sany da ósti. Sonymen, kórsetilgen kezeńde 11 289 jup otbasyn qurdy. 2020 jyly 9 571 neke tirkeldi.

«Sarapshylardyń aıtýynsha, qazir azamattar nekege turýǵa jáne otbasyn qurýǵa jaýapkershilikpen, sanaly túrde qaraıdy. Búgingi tańda jas jubaılardyń ortasha jasy 26-28 jasty quraıdy, al 4-5 jyl buryn ol 22-23 jasty quraǵan. Tek jastar ǵana emes, sonymen birge eresekter de - 50-60 jáne tipti 70 jastaǵylar da nekelesip jatady», - delingen ákimdik saıtynda.


Basty sózder: Nur-Sultan, Statıstıka, Qoǵam, Bala,
Joǵary qaraı