Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aımaǵambetov grant qarajatyn stýdenttiń banktik shotyna aýdarý tıimdiligin atady

2021 jyldyń 19 qarasha 2021 18:50

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov memlekettik bilim grantyn utyp alǵan stýdenttiń arnaıy banktik shotyna oqý aqysyna qajetti qarjyny aýdarý ne úshin qajettigin túsindirdi, dep habarlaıdy QazAqparat tilshisi.

«Memleket basshysynyń joǵary bilim berýdi qarjylandyrý júıesin ózgertý jónindegi bastamasynyń mańyzdylyǵy týraly egjeı-tegjeıli túsindirip ótsem. Búgingi tańda otandyq joǵary oqý oryndary grant berý arqyly jan basyna qarjylandyrýǵa kóshti. Bul júıe qazir qalaı jumys isteıdi? Grant alý úshin talapkerler Ulttyq biryńǵaı testileýge qatysady. UBT tapsyrǵannan keıin talapker ótinish beredi, naqty mamandyqty tańdap, granttardy taǵaıyndaý konkýrsyna qatysady. Máselen, eger belgili bir mamandyqqa barlyǵy 100 grant bólinse, kvotalardy esepke ala otyryp, eń joǵary ball jınaǵan 100 talapker saralanǵan tizim boıynsha JOO-da oqý úshin grant alady. Bilim grantyn ıelengen stýdent joǵary oqý ornyn tańdaıdy jáne JOO osy stýdentti oqytý úshin bıýdjetten qarjylandyrý alady», - dep jazdy mınıstr Facebook-paraqshasynda.

Alaıda, onyń atap ótýinshe, stýdent grantty jeńip alǵanyna qaramastan, memleket tarapynan tólenetin oqý aqysyna qatysty rásimge qatyspaıdy. Shyn máninde, stýdent joǵary oqý ornyndaǵy oqý aqysyn memleket onyń mektep kezindegi jaqsy kórsetkishteri úshin tóleıtinine mán bermeı, muny kóbine kóp tegin oqý dep qabyldaıdy. Sáıkesinshe, «tegin» oqý kezinde ýnıversıtetke qandaı da bir talap qoıý qıyn. Árbir stýdenttiń oqýy úshin memleket joǵary oqý ornyna orta eseppen 3,5-4 mıllıon teńge bóledi.

«Oqý aqysyn tóleý algorıtmi kelesideı: ýnıversıtetter stýdentterdiń tizimderi men tóleý aktilerin belgili bir merzimdilikpen mınıstrlikke jiberedi. Mınıstrlik stýdentterdiń árqaısysy úshin aqshany joo-nyń shotyna tikeleı aýdarady. ıAǵnı, stýdenttiń ózi bul úrdiske qatyspaıdy. Endi Memleket basshysy qarjylandyrýdyń osy júıesin ózgertýdi tapsyrdy. Budan bylaı qarajat grantty jeńip alǵan stýdenttiń oqý aqysyn óz betinshe tóleýi úshin arnaıy banktik shotyna (eskroý-shot) tikeleı jiberiledi dep josparlanýda. Osylaısha, stýdent onyń oqýy úshin memleket bólgen aqshany kórip, qoldaýdy sezinedi. Sonymen birge oqý aqysyn tóleý úrdisine qatysady», - dedi Ashat Aımaǵambetov.

Mınıstr qazirgi tańda stýdent burynǵydaı tegin qyzmetterdi alýshy emes, qyzmetterge tapsyrys berýshi bolyp sanalatyndyǵyn basa aıtady. Soǵan oraı ol tapsyrys berýshi retinde sapaly bilim berýdi talap etýge quqyly.

«Árıne, bul stýdenttiń memlekettik qoldaý is-sharalaryn qabyldaýyna oń áser etedi jáne onyń boıyndaǵy jaýapkershilikti arttyrady. Mıllıondaǵan qarajattyń oqýǵa jumsalǵanyn kórip, stýdent bilim alýǵa da, kórsetiletin qyzmet sapasyna da jaýapkershilikpen qaraıdy. Bul rette stýdent bıýdjet qarajatyn bilim alyp jatqan JOO-ǵa oqý aqysyn tóleýden basqa, ózge maqsattarǵa jumsaı almaıdy. Budan basqa, bul tetik sybaılas jemqorlyq táýekelderin de joıyp, bıýdjet qarajatynyń barynsha ashyq jumsalýyn qamtamasyz etedi. Atalǵan is-shara joǵary bilim berý salasyndaǵy básekelestikti kúsheıtedi dep kútilýde. Memleket basshysynyń osyndaı mańyzdy tapsyrmalary búkil bilim berý júıesin keshendi jaqsartýǵa baǵyttalǵanyn atap ótkim keledi. Bilim jáne ǵylym mınıstrligi qoıylǵan mindetterdi oryndaý úshin barlyq qajetti jumysty júrgizedi», - dep túıindeıdi oıyn mınıstr.

Aıta keteıik, 16 qarashada ótken Ulttyq qoǵamdyq senim keńesiniń 6-otyrysynda QR Prezıdenti Qasym-Jomart Toqaev memlekettik bilim grantynyń qarajaty stýdenttiń esepshotyna túsýi tıistigin aıtqan bolatyn.



Joǵary qaraı