Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıtysker aqyn Hansha Raısova dúnıeden ótti

2021 jyldyń 17 shilde 2021 18:21

NUR-SULTAN. QazAqparat - Respýblıkalyq aqyndar aıtysynyń birneshe dúrkin júldegeri, Almaty oblysynyń qurmetti azamaty Hansha Raısova dúnıeden ótti, dep habarlaıdy QazAqparat tilshisi.

Halyqaralyq ıÝNESKO syılyǵynyń laýreaty, aqyndar mektebiniń ustazy Hansha Musabaıqyzy 1956 jyly 5 qazanda Almaty oblysy Qapal aýdany Qońyr aýylynda dúnıege kelgen.

1989 jyldan bastap ártúrli deńgeıdegi jyr saıystaryna qatysa bastady.

«Qazaq tili» qoǵamy uıymdastyrǵan respýblıkalyq aıtysta bas júlde (1990), Abaıdyń 150 jyldyǵyna arnalǵan halyqaralyq aıtysta ІІІ oryn (1995) ıelengen.

QHR-da, Reseıde, Ózbekstanda, sondaı aq oblys aýqymynda ótken aıtystarda birneshe ret arnaýly júldege ıe boldy.




Eske sala keteıik, Hansha Raısovanyń 1995 jylǵy Qytaıǵa barǵan sapary ónerdegi juldyzdy sátteriniń biri boldy.

Aqyn sol óner saparynda Qytaıdyń Qulja qalasynda Qytaı qazaqtarynyń arasynan shyqqan tanymal aıtysker aqyn Qurmanbek Zeıtinǵazyulymen sahnada kezdesip, óner salystyryp, sóz synasady.

Bul aıtys sol jaqtaǵy qandastarymyzdyń ortasynda «Qurmanbek pen Hanshanyń» aıtysy atalyp, erekshe ásermen el esinde qaldy.


Avtor Baqytjol Kákesh
Basty sózder: Qoǵam, Mádenıet, Ádebıet,
Joǵary qaraı