Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aızada Qurmanova Pavlodar oblysy ákiminiń orynbasary qyzmetine taǵaıyndaldy

2020 jyldyń 14 shilde 2020 16:02

PAVLODAR. QazAqparat - Pavlodar oblysy ákiminiń orynbasary qyzmetine taǵaıyndalǵan Aızada Qurmanova áleýmettik bloktyń jumysyn qadaǵalaıtyn bolady, dep habarlaıdy pavlodarnews.kz.

Pavlodar oblysynyń ákimi Ábilqaıyr Sqaqov jańa orynbasardy apparattyq keńes barysynda tanystyrdy. Ol Aızada Qurmanova áleýmettik sala jáne memlekettik basqarý máselelerin jaqsy biledi, sondaı-aq atqarýshy jáne ókiletti organdarda basshylyq laýazymdarda mol tájirıbege ıe ekenin atap ótti.

Aızada Qurmanova 1970 jyly Jelezın aýdanynyń Abaı aýylynda dúnıege kelgen. 1992 jyly Pavlodar pedagogıkalyq ınstıtýtyn, al 2015 jyly S.Toraıǵyrov atyndaǵy Pavlodar memlekettik ýnıversıtetiniń magıstratýrasyn «Memlekettik jergilikti basqarý» mamandyǵy boıynsha támamdaǵan.

Eńbek jolyn 1992 jyly Maı aýdanyndaǵy Aqshıman orta mektebiniń orys tili men ádebıeti muǵalimi bolyp bastaǵan. Alty jyl boıy dırektordyń tárbıe isi jónindegi orynbasary, sodan keıin sol oqý ornynyń dırektory boldy. 1998-2002 jyldary Ekibastuz qalasyndaǵy № 10 orta mektepte muǵalim jáne dırektordyń tárbıe isi jónindegi orynbasary boldy.

2002 jyly memlekettik qyzmetke aýysty. Ekibastuz qalasynyń ishki saıasat bóliminiń bastyǵy, Ekibastuz qalasy ákiminiń orynbasary jáne Pavlodar oblysy ishki saıasat basqarmasynyń bastyǵy qyzmetterin atqardy.

2011 jyldan 2014 jylǵa deıin Lebıaji aýdanynyń ákimi boldy. 2014 jyldan bastap 2016 jylǵa deıin - «Nur Otan» partııasy Pavlodar oblystyq fılıaly tóraǵasynyń birinshi orynbasary.

2016 jylǵy naýryzdan osy ýaqytqa deıin Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi boldy.


Basty sózder: Pavlodar oblysy, Taǵaıyndaý, Ákimdik,
Joǵary qaraı