Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Azamattarymyzǵa reformalardyń mán-maǵynasyn túsindirý óte mańyzdy - Toqaev

2022 jyldyń 29 sáýir 2022 12:47

NUR-SULTAN. QazAqparat – Elimizdegi reformalardyń máni men maǵynasyn azamattarymyzǵa túsindirý óte mańyzdy. Bul týraly Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qazirgi ýaqytta júrgizilip jatqan reformalardyń máni men maǵynasyn azamattarymyzǵa túsindirý óte mańyzdy. Assambleıa formatynda jumys isteıtinderdiń barlyǵyn bul protseske qosylyp, Jańa Qazaqstannyń ıdealdary men qundylyqtarynyń belsendi jetekshisi bolýǵa shaqyramyn», - dedi Memleket basshysy.

Osy rette Memleket basshysy Qazaqstan halqy Assambleıasy tóraǵasynyń orynbasary bolyp taǵaıyndalǵan Taýfık Karımov pen Natalıa Dementevaǵa jumystaryna sáttilik tiledi. Sonymen qatar buǵan deıin orynbasar bolǵan M.Bekbaeva men Z.Kýzıevke atqarǵan jumystary úshin rızashylyǵyn bildirdi.


Joǵary qaraı