Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Azamattyq qoǵamdy damytý tujyrymdamasy talqylandy

2020 jyldyń 22 qyrkúıek 2020 21:13

NUR-SULTAN. QazAqparat – Qazaqstan Respýblıkasynda Azamattyq qoǵamdy damytýdyń 2020-2025 jyldarǵa arnalǵan tujyrymdamasyn iske asyrý máselesi talqylandy. Bul týraly QazAqparat habarlaıdy.

Keńeske oblystar men respýblıkalyq mańyzy bar qalalarda óz qyzmetin júzege asyratyn azamattyq qoǵam ókilderi qatysty.

Jıynǵa qatysýshylar quqyqtyq retteý quraldaryn nyǵaıtýǵa jáne jetildirýge, azamattyq belsendilikti qoldaýǵa jáne damytýǵa baǵyttalǵan qujatty qarady, atap aıtqanda jobada qabyldanatyn basqarýshylyq sheshimderdiń tıimdiligin arttyrý, memlekettik basqarýdyń ashyqtyǵy men eseptiligin qamtamasyz etý úshin ózara is-qımyl rásimderin, ádisteri men joldaryn sapaly jaqsartý jóninde sharalar qabyldaý kózdelgen. Aıta keteıik, qujat jobasy 5 negizgi bólikten turady jáne 46 is-sharany qamtıdy.

Josparmen jan-jaqty tanysyp shyqqan qatysýshylar engizilgen tarmaqtardyń der kezinde qabyldanǵanyn atap ótip, osy baǵyttaǵy mınıstrliktiń bastamalaryna qoldaý bildirdi.

Sonymen qatar, talqylaý barysynda «Qazaqstan medıatorlary qaýymdastyǵynyń» dırektory Jandilda Jaqypov Qazaqstandaǵy medıatıvtik saıasattyń odan ári damýyna erekshe nazar aýdardy.

Qazaqstan Respýblıkasy Sybaılas jemqorlyqqa qarsy is-qımyl agenttigi Qoǵamdyq keńesiniń múshesi Elena Mıtrofanova óz sózinde azamattyq qoǵam ınstıtýttarynyń áleýetin nyǵaıtýǵa, Qazaqstandaǵy BUU-nyń Turaqty damý maqsattaryn iske asyrýǵa azamattyq qoǵamdy tartýǵa qatysty máselelerdi atap ótti.

Qazaqstannyń Azamattyq alıansynyń prezıdenti - Baný Nurǵazıeva azamattyq qoǵamdy sapaly qujat qabyldaý maqsatynda belsendi talqylaýǵa shaqyrdy.

Keńesti qorytyndylaı kele, azamattyq qoǵam isteri komıtetiniń tóraǵasy Madııar Qojahmet qatysýshylarǵa syndarly dıalog úshin alǵysyn bildirdi.

Osy oraıda, is-sharalar jobasynyń josparyn memlekettik organdar deńgeıinde talqylaý da josparlanyp otyrǵanyn aıta ketken jón. Azamattyq sektordyń, memlekettik organdardyń jáne múddeli azamattardyń barlyq usynystary Azamattyq qoǵamdy damytý tujyrymdamasyn iske asyrý jónindegi is-sharalar josparynda sózsiz kórinis tabady.


Joǵary qaraı