Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ázerbaıjanda COVID tólqujattaryn tekserýge arnalǵan mobıldi qosymsha tanystyryldy

2021 jyldyń 28 shilde 2021 10:15

BAKÝ. QazAqparat – Ázerbaıjanda Mınıstrler Kabınetiniń qaýlysymen qarastyrylǵan mekemelerde Covid tólqujattaryn tekserýge arnalǵan arnaıy mobıldi qosymsha ázirlendi, dep habarlaıdy QazAqparat.

Qosymshany ázirleýshi – Ázerbaıjan Respýblıkasy Prezıdentiniń janyndaǵy Azamattarǵa qyzmet kórsetý jáne áleýmettik ınnovatsııalar jónindegi memlekettik agenttiktiń elektrondyq úkimetti damytý ortalyǵy.

1 qyrkúıekten bastap iske qosylatyn mobıldi qosymshany icazə.e-gov.az portaly arqyly anyqtalǵan ýákiletti tulǵalar paıdalana alady. Mobıldi qosymsha ýákiletti adamǵa qujattyń QR-kodyn tekserý nemese jeke kýálik derekterin engizý arqyly usynylǵan COVID-pasportynyń nemese ımmýnıteti týraly sertıfıkattyń jaramdylyǵyn tekserýge múmkindik beredi.

Elektrondyq úkimetti damytý ortalyǵynyń dırektory F Djafarovtyń aıtýynsha, eger qandaı da bir adamda ózimen birge COVID tólqujaty bolmasa, onda bul qujatty FIN-nómiri boıynsha tekserýge bolady.

«Eger azamattyń COVID-pasporty tólqujaty bolmasa, onda dereý ekranda eskertý paıda bolady jáne bul adam Mınıstrler kabınetiniń qaýlysynda kórsetilgen oryndarǵa jiberilmeıdi», – dep atap ótti F. Djafarov.

Azamattar COVID tólqujattaryn kóre alady «myGov.az» portalynda nemese myGov.az mobıldi qosymshasynda, e-TƏBIB mobıldi qosymshasy nemese its.gov.az. arqyly, qajet bolsa, basyp shyǵarýǵa bolady.

Aıta keteıik, búginde Qazaqstanda Ashyq qosymshasy jumys isteıdi, ol azamattarǵa PTR-testsiz kóptegen nysandarǵa barýǵa múmkindik beredi. Ashyq qyzmeti iOS jáne Android-de tegin mobıldi qosymshalar túrinde, sondaı-aq veb-nusqa arqyly qoljetimdi.

Esterińizge sala keteıik, Ázerbaıjan Mınıstrler kabınetiniń sheshimine sáıkes 1 qyrkúıekten bastap qyzmet salalarynyń tizimi keńeıtilýde, olardyń qyzmetkerleriniń 80%-da mindetti túrde vaktsınalaý sertıfıkaty nemese ımmýnıtet sertıfıkaty bolýy tıis. Bul qujatsyz endi stýdentterdiń JOO-daǵy sabaqtarǵa kire almaıdy.

1 qyrkúıekten bastap COVID tólqujattarynsyz ruqsat etilmeıtin qoǵamdyq oryndardyń tizimi keńeıtildi. Olardyń ishinde kafeler, meıramhanalar, qonaqúıler men saýda ortalyqtary bar.


Basty sózder: Álem, Koronavırýs,
Joǵary qaraı