Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ajar Ǵınııat koronavırýs órshigen óńirlerdi atady

2022 jyldyń 12 qańtar 2022 10:43

NUR-SULTAN. QazAqparat – Elimizdiń 12 óńirinde koronavırýspen aýyrǵandar sany 2,8 esege artyp otyr. Bul týraly Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Sońǵy 2 aptada koronavırýs ınfektsııasy aýrýy 12 óńirde 2,8 ese ósti. Bul rette sońǵy aptada aýrý Nur-Sultan qalasynda 9,9 ese, Shymkent qalasynda 3,7 ese, Almaty qalasynda 2 ese artty», - dedi Ajar Ǵınııat.

Onyń atap ótýinshe, epıdemıologııalyq jaǵdaıdyń nasharlaýy koronavırýstyń «Omıkron» túriniń anyqtalýyna tikeleı baılanysty.

«Genetıkalyq zertteýlerdiń nátıjesi boıynsha qańtardyń basynda «Omıkron» Almaty jáne Nur-Sultan qalalarynda anyqtaldy. «Omıkronnyń» erekshelikteri – aýrý jyldam juǵady, qaıta juqtyrý qaýpi joǵary. «Omıkron» joǵarǵy tynys alý joldarynda «Deltaǵa» qaraǵanda 70 ese jyldam kóbeıedi. Aýrý jaǵdaılary 2-3 kúnde eki ese ósedi. Bul aýrýdyń jyldam kóbeıýine ákeledi. Bul rette, aldyn ala aralyq zertteýler revaktsınatsııa aýrýdyń aýyr túrlerinen, aýrýhanaǵa jatqyzýdan jáne ólimnen 70 paıyzǵa deıin qorǵaıtynyn kórsetedi», - dedi mınıstr.


Joǵary qaraı