Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ajar Ǵınııat: Koronavırýsqa shaldyqqandardyń 60 paıyzdan astamy - úsh aımaqta

2022 jyldyń 18 qańtar 2022 09:34

NUR-SULTAN. QazAqparat – COVID-19 táýliktik syrqattanýdyń 60 paıyzdan astamy úsh aımaqta tirkeldi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Elimizde COVID-19-ben táýliktik syrqattaný kórsetkishiniń 60 paıyzdan astamy úsh aımaqta tirkeldi. Nur-Sultan qalasynda aýrý 32 ese ósip, bul rette testileý deńgeıi el boıynsha eń joǵary jáne táýligine 10 myńnan astam testi qurap otyr. Biraq, bas qalada halyqty vaktsınalaý qarqyny 1,5 ese jáne revaktsınatsııa qarqyny 4 ese tómen», - dedi Ajar Ǵınııat.

Onyń aıtýynsha, Almaty qalasynda SARS-CoV2 aýrýy 8 ese ósti.

Testileý deńgeıi qalpyna keltirilip, osy jylǵy qańtardan bastap 3,5 ese artty. Degenmen, vaktsınatsııa qarqyny 1,6 ese jáne revaktsınatsııa qarqyny 3 ese tómendep otyrdy.

«Qaraǵandy oblysynda syrqattaný 9 ese ósti, al vaktsınatsııa qarqyny 3 jáne revaktsınatsııa qarqyny 3,5 ese tómendedi. Ótken aptanyń sońynda Nur-Sultan qalasy men Qaraǵandy oblysynyń jergilikti atqarýshy organdary basshylyǵynyń qatysýymen aýrý ósimine daıyndyqty baǵalaý jáne qabyldanatyn sharalar boıynsha respýblıkalyq shtab ótkizilip, usynym berildi. Árbir óńirmen jumys jalǵasady», - dedi mınıstr.


Joǵary qaraı