Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Azııanyń álemdik ekonomıkadaǵy róli aıtarlyqtaı artty – Qazaqstan Prezıdenti

2022 jyldyń 27 qańtar 2022 17:48

NUR-SULTAN. QazAqparat – Azııanyń álemdik ekonomıkadaǵy róli aıtarlyqtaı artty. Bul týraly «Ortalyq Azııa – Úndistan» sammıtinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Osy sammıttiń bizdiń elder arasynda dıplomatııalyq qatynystardyń ornaýyna 30 jyl tolǵan merzimde ótip jatqany sımvoldyq mánge ıe», - dedi Memleket basshysy.

Qazaqstan Prezıdenti osy jyldar ishinde taraptar syndarly saıası dıalog ornatqanyn, turaqty túrde ekonomıkalyq ári gýmanıtarlyq baılanystar nyǵaıtylǵanyn atap ótti.

«Azııa óńiri aýqymdy resýrstarǵa jáne eleýli zııatkerlik áleýetke ıe bolyp otyr. Osynda mańyzdy kóliktik dálizder men jyldam ósip kele jatqan naryqtar shoǵyrlanǵan. Azııanyń álemdik ekonomıkadaǵy róli aıtarlyqtaı artty. Ol ınvestıtsııa men kaptaldyń tartylýynyń jahandyq jańa ortalyǵyna aınalyp keledi. Bul óz kezeginde bizdiń elder arasynda ózara tıimdi yntymaqtastyqtyń qolaıly múmkindikterin júzege asyrý úshin úlken perspektıvany ashyp otyr. Birinshi kezekte ol saýdaǵa qatysty bolyp tur», - dedi Qasym-Jomart Toqaev.

Budan buryn habarlanǵandaı, jıynǵa Úndistan Premer-mınıstri Narendra Modı bastamashy boldy.

Onlaın ótip jatqan talqylaýǵa Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon qatysyp jatyr.


Joǵary qaraı