Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Azottyń shala totyǵynyń zańsyz aınalymyna qylmystyq jaýapkershilik engizilmek

2022 jyldyń 16 mamyr 2022 13:05

NUR-SULTAN. QazAqparat – Azottyń shala totyǵynyń zańsyz aınalymyna qylmystyq jaýapkershilik engizilmek. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

Mınıstrliktegi onlaın ótken baspasóz máslıhatynda «elitkish gaz» ne sebepti klýbtarda emin-erkin satylyp jatqany týraly saýal qoıyldy.

«Elitkish gaz» esirtki bolyp sanalmaıdy jáne onyń saýda aınalymyn qadaǵalaý polıtsııanyń quzyretine jatpaıdy. Bul medıtsınalyq preparat anestezııa úshin paıdalanylady, sondaı-aq ol dárigerdiń qatań baqylaýymen júrgiziledi. Osy gazdyń áseri ottektiń azdyǵy men qandaǵy kómirqyshqyl gazynyń shamadan tys artyq qalyptasýynan bolady. Bul jaǵdaı adam densaýlyǵyna qaýipti», - dedi Asqar Muhametqalıev.

Onyń aıtýynsha, azottyń shala totyǵy adam ómiri men aǵzasyna zııandy ári qatty áser etetin zattardyń tizimine engizilgen. Ony elge kirgizý men taratý quzyreti densaýlyq saqtaý organdaryna berilgen.

«Qazirgi kezde depýtattardyń bastamasy aıasynda tıisti zań jobasy daıyndaldy. Osy oraıda osyndaı áseri kúshti zattardyń zańsyz aınalymyna qylmystyq jaýapkershilik qarastyrylyp otyr», - dedi vedomstvo ókili.

Budan buryn habarlanǵandaı, bıyl 4 aıda elimizdiń aýmaǵynda 11 esirtki zerthanasy joıyldy.

Esirtkiniń transulttyq arnasyn joıý kezinde 13 qazaqstandyq ustaldy.

Jyl basynan esirtki taratýǵa qatysty 655 ınternet-resýrs anyqtaldy.



Joǵary qaraı