Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Azyq-túlik baǵasyn negizsiz ósirý faktilerine tergeý júrgizildi

2020 jyldyń 15 qyrkúıek 2020 10:35

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov Jambyl jáne Soltústik Qazaqstan oblystarynda áleýmettik mańyzy bar taýarlar baǵasynyń ósýine qatysty túsinik berdi, dep habarlaıdy QazAqparat tilshisi.

«Jergilikti atqarýshy organdar «aınalym shemasy», forvardtyq satyp alý jáne «turaqtandyrý qorlaryn qalyptastyrý» sııaqty quraldardy paıdalanady. Turaqtandyrý qorlarynda 27,7 myń tonna azyq-túlik qalyptasqan jáne 21,6 myń tonna jetkizýge forvardtyq sharttar jasalǵan», - dedi mınıstri Úkimet otyrysynda.

Onyń sózine qaraǵanda, áleýmettik mańyzy bar taýarlardyń baǵasyn ustap turý mindettemesimen «aınalym shemasyna» jergilikti bıýdjetterden 14,2 mlrd teńge bólindi.

«Bul naryqtyq mehanızm qazirdiń ózinde tıimdiligin kórsetip otyr. Almaty qalasy boıynsha basqa óńirlermen salystyrǵanda qomaqty qarajat bólindi. Nátıjesinde, shaharda jyl basynan beri áleýmettik mańyzy bar taýarlar baǵasynyń ósýi 2,2 paıyzdy qurady. Bul el boıynsha eń tómen kórsetkish bolyp otyr», - dep túsindirdi B. Sultanov.

Sonymen qatar, Jambyl jáne Soltústik Qazaqstan oblystarynda «aınalym shemasyna» qarajat bólingen joq, nátıjesinde atalǵan óńirlerde áleýmettik mańyzy bar taýarlar baǵasynyń ósýi tıisinshe 6,1% jáne 5,7%-ti qurady.

«Baǵany turaqtandyrýdyń mańyzdy quraldarynyń biri monopolııaǵa qarsy retteý sharalary bolyp sanalady. Básekelestikti qorǵaý jáne damytý komıteti ishki naryqtaǵy sóz baılasý kúdikti jaǵdaılaryna turaqty monıtorıng júrgizedi. Osylaısha, aǵymdaǵy jyly azyq-túlik, jemis-kókónis pen et ónimderin óndirý jáne satý boıynsha naryq sýbektilerine 293 habarlama jiberilip, sondaı-aq 13 tergeý júrgizildi», - dedi Saýda mınıstri.


Joǵary qaraı