Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Azyq-túlik beldeýi aıasynda 41 joba iske asyrylyp jatyr – Aqmola oblysy

2020 jyldyń 27 qarasha 2020 13:49

NUR-SULTAN. QazAqparat – Aqmola oblysynyń ákimi Ermek Marjyqpaev óńirde mal sharýashylyǵy ári qus sharýashylyǵy ónimderimen qamtamasyz etý deńgeıi týraly aıtty dep habarlaıdy QazAqparat tilshisi.

«Mal sharýashylyǵyn damytý maqsatynda 97 et jáne 18 sút-taýar fermasy qurylyp, 9 460 bas joǵary ónimdi mal satyp alyndy. Sútti mal sharýashylyǵyn damytý perspektıvasy árqaısysynyń qýattylyǵy keminde 1 000 bas iri qara bolatyn 4 iri sútti-taýarly fermalardy salýmen baılanysty», - dedi ákim Ortaloyq kommýnıkatsııalar qyzmetinde.

Onyń aıtýynsha, josparlardy júzege asyrý et kombınattary júktemesin 80 paıyzǵa deıin, sút óńdeý kásiporyndary júktemesin 70 paıyzǵa deıin arttyrýǵa múmkindik beredi. Bul azyq-túlik naryǵyn sapasy men baǵasy boıynsha básekege qabiletti áleýmettik mańyzy bar ónimderimen toltyrý úshin mańyzdy.

«Importty almastyrýdyń eleýli múmkindikteri qýattylyǵy jylyna 100 myń tonna taýyq etin óndiretin jabyq tsıkldi Makınsk qus fabrıkasy qurylysynyń aýqymdy jobasyn tolyq iske asyrý kezinde paıda bolady», - dedi Ermek Marjyqpaev.

Elordanyń azyq-túlik beldeýi aımaǵynda bola otyryp, joba ónimdi turaqty jetkizýdi qamtamasyz etip qana qoımaı, óńirdiń eksporttyq áleýetin aıtarlyqtaı keńeıtýge múmkindik beredi. Makınsk qus fabrıkasynan basqa, óńirde azyq-túlik beldeýin damytý aıasynda 41 joba iske asyrylyp jatyr.


Joǵary qaraı