Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

BAÁ áýejaılarynda koronavırýs juqtyrǵandardy ıisshil ıtterdiń kómegimen anyqtap jatyr

2020 jyldyń 31 shilde 2020 17:39

NUR-SULTAN. QazAqparat - Birikken Arab Ámirliginde (BAÁ) Covid-19-dyń taralýyn shekteý boıynsha júrgizilip jatqan profılaktıkalyq jáne aldyn-alý jumystarynda jańa jetistikke qol jetkizdi. Bul týraly QazAqparat WAM-ǵa silteme jasap habarlaıdy.

BAÁ áýejaılarynda polıtsııa ıtterin koronavırýsty juqtyrǵan jolaýshylardy anyqtaý úshin paıdalana bastady. BAÁ álemde bul ádisti tájirıbede qoldanǵan alǵashqy el bolyp sanalady. Aıta ketý kerek, adam aǵzasynda ólimge ákeletin vırýsty anyqtaýǵa arnalǵan bul ádis álemniń kóptegen elderinde zerttelip jatyr.

BAÁ ádisi adamnyń jáne janýarlar densaýlyǵy qaýipsizdiginiń eń joǵary standarttaryna sáıkes ıtter men zattar arasyndaǵy tikeleı baılanystyń aldyn alatyndyǵymen erekshelenedi. Tájirıbelik qoldaný aldynda qajetti zertteýler, sonymen qatar ártúrli elderdiń sarapshylarymen yntymaqtastyq ornatyldy. Covid-19 jaǵdaıyn anyqtaýda ıtterdi qoldaný týraly pikirtalastar men teorııalyq zertteýler kúshti ıis sezimin eskere otyryp júrgizildi. Osylaısha, ıtterdi polıtsııa patrýlderimen qatar saýda ortalyqtarynda, is-sharalarda, áýejaıda jáne basqa da ómirlik mańyzdy nysandarda paıdalanýǵa bolady degen sheshim qabyldandy.

Áýejaılarda koronavırýsty anyqtaý ádisiniń elge keletin jolaýshylarǵa naqty qoldanylýyn baqylaý úshin arnaıy toptar jumys isteıdi. Birneshe sekýndtyń ishinde ıt adamda vırýstyń bolý-bolmaýyn onyń qoltyǵynan alynǵan ıisti synamasyn ıiskeý arqyly anyqtaı alady.

Bul ádis halyqaralyq áýejaılardyń birtindep ashylýy men reıster sanynyń ósýi jaǵdaıynda áýejaıda jolaýshylardyń qaýipsizdigin jaqsartýǵa arnalǵan qosymsha shara retinde qarastyrylady.


Joǵary qaraı