Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Baǵdat Qojahmetov: Koronavırýs indetine qarsy ekpeni jetkizý amaldary zerdelenip jatyr

2020 jyldyń 7 tamyz 2020 16:57

NUR-SULTAN. QazAqparat - Koronavırýs indetine qarsy ekpeni jetkizý amaldary zerdelenip jatyr. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.

«Elimizde taraǵan indetke qarsy ekpe jasaý úshin álemdegi barlyq tájirıbe zerttelýde. Halyqtyń qaýipsizdigi úshin aıaqasty sheshim qabyldanbaıdy. Osy maqsatta koronavırýs ınfektsııasyna qarsy ekpe ázirlep jatqan memleketterdiń ozyq tájirıbesi saralanyp jatyr. Elimiz Jahandyq ekpe jasaý alıansy ázirlegen (GAVI) vaktsınalar keshenine qol jetkizýge múmkindik beretin «COVAX Facility» baǵdarlamasyna qatysady. Atalǵan baǵdarlamaǵa qatysýshy elderdiń barlyǵyna indetke qarsy ekpe jetkizilip beriledi. ıAǵnı, belsendi ımmýndaý úderisi halyqtyń 20 paıyzyn qamtıdy», - dedi ol.

Resmı ókildiń dereginshe, Qazaqstanda ekpe alýǵa enetin halyqtyń sany 2 182 000 adam nemese jalpy halyqtyń 11 paıyzyn (jasy 65-ten asqan uzaq ýaqyttan beri aýyratyn azamattardy jáne medıtsına qyzmetkerlerin de qamtıdy) qamtıdy. Ekpe tegin jasalady.

«GAVI uıymynyń habarlaýynsha, koronvırýsqa qarsy ekpeniń mólsheri (dozasy) 10-20 AQSh dollary (buǵan jetkizip berý quny qosylmaıdy) aralyǵynda bolady. Ulttyq valıýta baǵamymen alǵanda ekpege qarsy dáriniń bir rettik mólsheri 4 142 teńgeden bastalyp 8 284 teńgege deıin jetedi. GAVI uıymy arqyly ekpeni satyp alýdyń aldyn ala quny 9 037,8 mıllıonnan 18 075, 7 mln teńge aralyǵynda (jetkizý qunyn eseptemegende) dep josparlanǵan. Densaýlyq saqtaý mınıstrligi joǵaryda atalǵan uıymnyń ustanymdaryn eskere otyryp, elimizde ekpe alatyn azamattardyń (uzaq ýaqyttan beri aýyratyn, tirkeýde turǵan úlken adamdarmen birge balalardy da qamtý jáne jabyq mekemede jumys isteıtin qyzmetkerlerdi qamtý) sany arttyrýdy qarastyrady. Eger vaktsınalar keshenine qol jetkizýge múmkindik beretin GAVI uıymymen zań júzinde mindettemeler jasalsa, onda alǵashqy (15 paıyz) jarna tólenedi. Ekpe qajetti kólemde jetkizilgennen keıin tolyq tólemaqy jasalady», - dedi Baǵdat Qojahmetov.


Joǵary qaraı