Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Baǵdat Mýsın Kaspi bank aqaýyna qatysty pikir bildirdi

2020 jyldyń 29 qazan 2020 14:25

NUR-SULTAN. QazAqparat – Bir banktegi aqaý osaldyq QR zańnamasyna qaıshy áreket retinde baǵalanbaýy kerek. Bul pikirdi QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Bul jeke aqparattyq júıe. Eger jeke derekterdi óńdeýge jáne zańsyz paıdalanýǵa qatysty naqty shaǵymdar bolsa, biz óz ókilettigimiz aıasynda jaýap qatamyz. Tıisinshe, qazir jeke derekterdiń taralýy nemese QR azamattaryna jeke derekterdi teris paıdalaný boıynsha zardap kelgeni týraly aqparat joq. Biz arnaıy is-shara ótkizgen joqpyz, biraq aqparattyq ortada túrli jaǵdaı bolatynyn eske salǵym keledi. Eger joldarda kólik júrse, apat bolady. Sondyqtan dál osy maqsatta aqparattyq qaýipsizdik komıteti qurylǵan», - dedi mınıstr Ortalyq kommýnıkatsııalar qyzmetinde ótken brıfıngte.

Onyń aıtýynsha, qandaı da bir oqıǵalar oryn alsa, mınıstrlik jaýap beredi.

«Bir banktegi aqaý tutas osaldyq nemese QR zańnamasyna qaıshy keletin áreket retinde baǵalanbaýy kerek dep esepteımiz», - dep atap ótti Baǵdat Mýsın.

«Bul – ekinshi deńgeıli bankterdiń QR azamattary aldyndaǵy azamattyq-quqyqtyq jaýapkershiligi. Eger qandaı da bir qaýipter týyndasa, olar júıege kirýdi ýaqytsha toqtatyp, máselelerin sheshedi. Kez kelgen aqparattyq júıe jáne kez kelgen ekinshi deńgeıli bank nemese elektrondy úkimet portaly – derbes nysandar. Onda másele týyndasa, standart boıynsha belgili bir áreketterdi jasaýy qajet. Bizdiń mınıstrlik aqparattyq qaýipsizdikke jaýapty organ, eger aqparattyq qaýipsizdik boıynsha shaǵymdar bolsa, biz de shara qabyldaýǵa mindettimiz», - dep túsindirdi B.Mýsın.

Eske sala keteıik, 28 qazanda Kaspi.kz operatsııalarynda tehnıkalyq aqaýlar oryn alǵan edi. Bank ókilderi ony tezirek joıýǵa ýáde berdi.


Joǵary qaraı