Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bahreın Izraılmen dıplomatııalyq qatynas ornatatyn tórtinshi arab eli bolmaq

2020 jyldyń 12 qyrkúıek 2020 11:29

VAShINGTON. QazAqparat - Bahreın Izraılmen qarym-qatynasty qalypqa keltirý týraly kelisim jasasatyn tórtinshi arab eli bolady, dep habarlaıdy QazAqparat Deutsche Welle-ge silteme jasap.

AQSh, Bahreın jáne Izraıldiń birlesken málimdemesine sáıkes, kelisim AQSh prezıdenti Donald Tramptyń Benıamın Natanıahý jáne Bahreın Koroli Hamad bın Isa Ál-Halıfamen osy jumada kelissózderiniń nátıjesi boldy. D. Tramp bul kelisimdi «tarıhı serpilis» dep atady, al Bahreın Egıpet, Iordanııa jáne BAÁ-den keıin Izraılmen osyndaı kelisim jasasqan tórtinshi arab eli bolady.

BAÁ Bahreın men Izraıldiń qarym-qatynas ornatý týraly sheshimin quptady, olar bul aımaqtaǵy jáne búkil álemdegi beıbitshilik pen yntymaqtastyqqa oń áser etedi dep úmittenedi.

Bul - qaýipsizdik pen órkendeý dáýirine eleýli qadam, sondaı-aq ekonomıkalyq, mádenı, ǵylymı jáne dıplomatııalyq yntymaqtastyq salasyn keńeıtedi», - delingen BAÁ Syrtqy ister mınıstrliginiń málimdemesinde.

15 qyrkúıekte BAÁ men Izraıl qatynastardy qalypqa keltirý týraly kelisimge qol qoıady. Dál sol kúni Bahreın men Izraıl kelisimine de qol qoıylady.


Basty sózder: Álem, Taıaý Shyǵystaǵy ahýal,
Joǵary qaraı