Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BAQ basshylaryna 140-tan astam etnosaralyq sıpattaǵy zańsyzdyqtar týraly usynym joldanǵan

2021 jyldyń 23 qyrkúıek 2021 17:30

NUR-SULTAN. QazAqparat – QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵalym Shoıkınniń aıtýynsha, elimizde 140-tan astam jarııalanym boıynsha etnosaralyq sıpattaǵy zańsyzdar týraly usynym joldanǵan, dep habarlaıdy QazAqparat tilshisi.

«Komıtet etnosaralyq taqyryptaǵy arandatýshylyq máni bar jarııalanymdardy anyqtaý baǵytynda áleýmettik jelilerge turaqty taldaý men monıtorıng uıymdastyrady. Osy maqsatta biz etnosaralyq qatynastar salasyndaǵy arandatýshylyq sıpattaǵy materıaldarǵa aqparattyq den qoıý algorıtmin bekittik. Ol boıynsha atalmysh jarııalanymdardyń avtorlaryna aldyn alý jumystary júrgiziledi. Qajet bolǵan jaǵdaıda, materıaldar quqyqtyq sharalar qabyldaý úshin quqyq qorǵaý organdaryna jiberiledi», - dedi Ǵalym Shoıkın Aqparat jáne qoǵamdyq damý salasyndaǵy keńes otyrysynda.

Sondaı-aq, ol jyl basynan beri mundaı materıaldardy jarııalaýǵa jol bergen ınternet-resýrstardyń menshik ıeleri men ákimshileriniń atyna 148 fakti boıynsha zańsyzdyq joıý týraly usynymdar jiberilgenin atady.

«Sonymen qatar, barlyq deńgeıdegi BAQ ókilderi úshin etnosaralyq taqyrypty aqparattyq jarııa etýdiń ózekti máseleleri men ereksheligi, óshpendilik tiliniń, onyń ishinde áleýmettik jeliler men ınternet-keńistikte taralýynyń aldyn alý boıynsha oqytý semınarlary men trenıngter uıymdastyrylýda. Ol úshin etnosaralyq taqyryp boıynsha arnaıy termınologııalyq glossarııler, jýrnalısterge arnalǵan ádistemelik usynymdar ázirlendi», - dep túıindedi komıtet tóraǵasy.


Joǵary qaraı