Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baqyt Sultanov saýdany damytýdaǵy túıtkilderdi atady

2021 jyldyń 24 qarasha 2021 16:18

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov saýdany damytýdaǵy túıtkildi problemalardy atady, dep habarlaıdy QazAqparat tilshisi.

«Álemdik jalpy ishki ónimdegi saýdanyń úlesi 23 payzdy quraıdy. Sonymen birge, álemdik saýda úshin basty táýekelderdiń biri - saýda protektsıonızminiń kúsheıýi. Dúnıejúzilik bank sarapshylarynyń baǵalaýy boıynsha jahandyq taýar aınalymy 9 paıyzǵa qysqarady. Al, ekonomıkalyq aımaqtardyń kúsheıýi, ásirese, Eýropalyq Odaq jáne Azııa-Tynyq muhıty elderinde taýar aınalymynyń 60 paıyzy óńiraralyq saýdaǵa beıimdelýde», - dedi ol Senatta ótip jatqan Úkimet saǵatynda.

Mınıstr osy tendentsııalardy eskere otyryp, saýdany damytýdaǵy birqatar túıindi problemaǵa toqtalyp ótti.

«Olardyń ishinde zamanaýı saýda formattarynyń jetispeýshiligi jáne saýda-logıstıkalyq nysandarynyń ózara qatynastarynyń bolmaýy bar. Sonymen qatar ishki naryqta sapasy tómen taýarlardyń, ásirese sheteldik taýarlardyń basym bolýy azamattardy tolǵandyrady jáne otandyq ónimniń qaýipsizdigin qamtamasyz etetin tehnıkalyq retteý ınfraqurylymy jańǵyrtýdy qajet etedi. Qazaqstandyq taýardyń syrtqy naryqtaǵy básekege qabilettiligi eksporttyń quramynda shıkizattyń basymdylyǵymen sıpattalady. Budan basqa, eksportty ilgeriletý ınfraqurylymyndaǵy kedergiler óndirýshilerdiń syrtqy naryqtarǵa qoljetimdiligin qıyndatady», - dedi Baqyt Sultanov.


Joǵary qaraı