Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev: Almaly aýdanynyń óz «Tólebaıy» paıda bolady

2020 jyldyń 9 maýsym 2020 18:04

ALMATY. QazAqparat - Almaty ákimi Baqytjan Saǵyntaev «Jumyspen qamtýdyń jol kartasy» baǵdarlamasy jáne «Bıýdjetke qatysý» jobasy aıasynda qolǵa alynǵan Almaly aýdanynyń koǵamdyq keńistikterin abattandyrý barysymen tanysty, dep habarlaıdy QazAqparat tilshisi.

Atap aıtqanda, ákim Jambyl atyndaǵy skver, Jambyl kóshesi boıyndaǵy jáne Rozybakıev kóshesi men Qojamqulov kóshesiniń qıylysyndaǵy «jasyl» aımaqtarda boldy. Munda jaıly oryndyqtar, trenajer keshenderi qoıylyp, oıyn alańdary, gúlzarlar jasalýda. Jaıaý júrginshi joldary abattandyrylyp jatyr.

Almaty ákimi «Tastaq» yqshamaýdanyndaǵy Prokofev kóshesin jóndeý jumysynyń barysymen tanysty. Munda oıyn jáne sport alańdary, demalatyn oryndary bar zamanaýı jaıaý júrginshi aımaǵy salynady. Prokofev kóshesi Dúısenov kóshesimen qılysady, munda da ótken jyly jaıly jaıaý júrginshi aımaǵy paıda bolǵan edi.

«Osylaısha, Almaly aýdanynyń osy bóligindegi turǵyndardyń óz «Tólebaıy» paıda bolady», - dep jazdy qala ákimi Instagram-paraqshasynda.

B. Saǵyntaev jumys sapary kezinde «Jumyspen qamtýdyń jol kartasy» baǵdarlamasy aıasynda qolǵa alynǵan Gagarın býlvarynyń Abaı dańǵylynan Tóle bı kóshesine deıingi aýmaǵynyń jáne Maqataev atyndaǵy skverdiń qalaı jóndelip jatqanyn kórdi.




«Bul skver shyǵarmashylyq ókilderi, zııaly qaýymnyń, jas aqyndar men jazýshylardyń mekenine aınalýy tıis. Tipti mundaǵy atmosferanyń ózi shyǵarmashylyqqa shabyttandyratyndaı jaǵdaı jasaýdy mindettedim», - dedi B. Saǵyntaev.

Bıyl Almaly aýdanynda «Bıýdjetke qatysý» jobasy boıynsha 15 joba iske asatyn bolady. Ol úshin 240 mln teńge bólingen. Aıta keterligi, skverler men jasyl aımaqtardy, aýlalardy jóndeý, múmkindigi shekteýli azamattar úshin jerasty ótpe joldaryna kótergish mehanızmderdi ornatý boıynsha birqatar jobalar da júzege asady.





Joǵary qaraı