Aýa raıy
Astana 23 °S
Almaty 28 °S
valıýta baǵamy
USD 386.77
EUR 427.26
RUB 6.00
CNY 54.56

Baqytjan Saǵyntaev: Barlyq mektepterge birdeı jaǵdaı jasalady

2019 jyldyń 19 tamyz 2019 12:15

ALMATY. QazAqparat – Aldaǵy úsh jylda qaladaǵy mektepter men balabaqsha sany artady. Bul týraly, dep habarlaıdy QazAqparat tilshisi.

«Birlesken jumysymyzdyń maqsaty – «Sheti joq qala» qaǵıdasy boıynsha barlyǵyn sapaly jáne zamanaýı bilimmen qamtamasyz etý. Men Almatynyń barlyq aýdandaryn araladym. Túrli mektepterdi kórdim. Qala turǵyndary bilim sapasyn arttyrýǵa nıetti. Sondyqtan, Nazarbaev Zııatkerlik mektepteriniń tájirıbesin qaladaǵy barlyq mektepterde qoldaný kerek», - dedi Baqytjan Saǵyntaev bilim berý júıesi qyzmetkerleriniń forýmynda.

Sondaı-aq, ákim 2013 jyldan beri qoldanylyp kele jatqan kompıýterlik bazany jańartyp, mekteptiń materıaldyq-tehnıkalyq negizin jańǵyrtý qajettigin atap ótti.

«Ol úshin bilim berý basqarmasyna barlyq mektepterde aýdıt júrgizip, olardy jańartýdyń úsh jyldyq baǵdarlamasyn ázirleýdi tapsyrdym. Prezıdent Qasym-Jomart Toqaev mindettegendeı, bilim berý salasyndaǵy teńsizdikti joıý mańyzdy. Ákimdiktiń basty mindeti – qaladaǵy barlyq mektepterge birdeı jaǵdaı jasaý», - dedi ákim.

Baqytjan Saǵyntaevtyń sózinshe, qalanyń ortalyǵyndaǵy nemese shetindegi bolsyn, olardyń ata-anasynyń mártebesi men jaǵdaıyna qaramastan barlyq bala sapaly bilim alýy tıis.

«Bizdiń mindetimiz – aldaǵy úsh jylda qala turǵyndaryna qolaıly jerde mektepter men balabaqshalardy keńeıtý. Qala turǵyndary ortalyqtaǵy jáne shettegi bilim berý sapasy men deńgeıin teńestirýdi ǵana emes, jańa mektepter men balabaqshalar ashýdy qalaıtyndaryn jetkizdi», - dep túıindedi B.Saǵyntaev.

Basty sózder: Bilim, Almaty,
Joǵary qaraı