Baqytjan Saǵyntaev qala turǵynynyń ólimine qatysty isti jeke baqylaýyna aldy
ALMATY. QazAqparat – Almaty ákimi Baqytjan Saǵyntaev Almaty turǵyny Ajar Abdreshevanyń beıneúndeýine pikir bildirdi, dep habarlaıdy QazAqparat tilshisi.
Kenje Baınııazovty 22 aqpanda úıiniń aýlasynda óltirip ketken.
Jubaıynyń aıtýynsha, ony Almaty ákimdiginiń bas esepshisiniń jeke júrgizýshisi óltirgen.
Kúdikti qamaýǵa alynǵan soń ony zańǵa qaıshy, ıaǵnı ótken merzimmen qyzmetinen ketti degen buıryq shyǵarǵan.
«Osyǵan baılanysty Ajar Abdreshevanyń kúıeýiniń ólimine qatysty isti jeke baqylaýyma aldym. Kúdikti qamaýǵa alyndy. Qalalyq Polıtsııa departamentiniń basshysy Qanat Taımerdenovke bul isti jan-jaqty ári obektıvti tergeýge tapsyrma berdim. Qaza bolǵan jigittiń týystary men jaqyndaryna kóńil aıtamyn», - dedi Baqytjan Saǵyntaev Facebook paraqshasynda.
