Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev qalanyń sel júrýi múmkin qaýipti aımaqtaryn tekserdi

2021 jyldyń 5 naýryz 2021 11:33

ALMATY. QazAqparat -Almaty ákimi Baqytjan Saǵyntaev qalanyń selden qorǵaıtyn bógetter salynyp jatqan jerlerde bolyp, ózen arnalaryn jaqsartý jáne ınjenerlik kommýnıkatsııalar salý barysymen tanysty, dep habarlaıdy QazAqparat tilshisi.

Megapolıs ákimi Instagram paraqshasynda Esentaı, Tiksaı, Jarbulaq ózenderiniń jaǵalaýlaryn qaıta qurý jáne abattandyrý barysy týraly aıtty.

«Gıdrotehnıkalyq qurylysty qosa alǵanda, ózen arnalary retke keltirilmek. Jaǵalaýlar gabıonmen nyǵaıtylyp, qaraýsyz qalǵan ýchaskelerde jaıaý júrginshilerge arnalǵan joly bar jańa qoǵamdyq keńistik qurylady. Júrýge yńǵaıly jol jabyndysy tóselip, qoıylatyn oryndyqtardyń tabıǵı materıaldan bolýyna mán berdim», - dep jazdy B. Saǵyntaev.

Sonymen qatar, ákim Úlken Almaty men Aqsaı ózenderi basseınderindegi bógetterdiń qurylys alańdaryn qarap shyqty. Onyń maqsaty – qalany selden qorǵaý. Bul ózenderdiń basseınderinde, taýlarda qaýipti úsh morenalyq kól bar.

«Qurylys jumystary kezinde qozǵalysqa shekteý qoıylýy múmkin. Jasyl ekonomıka basqarmasyna jurtshylyqpen birlesip, májbúrli túrde kesilgen jasyl jelektiń ornyna ótemdik negizde egiletin jumystardy baqylaýdy tapsyrdym», - dedi Almaty ákimi B. Saǵyntaev.

Ákim Naýryzbaı aýdanyna qarasty Qaraǵaıly yqsham aýdanyndaǵy Tájıev kóshesiniń boıymen Qarǵaly ózeni arqyly ótetin kópirdiń jóndeý jumysyn, Aqjar men Tastybulaq yqshamaýdanyndaǵy ınjenerlik jelilerdiń qurylysyn kórip qaıtty.

B. Saǵyntaev turǵyndarmen kezdesip, máseleni jeke baqylaýyna alatynyn aıtty. Joba tolyq aıaqtalysymen joldar qalpyna keltiriledi. Sýmen jabdyqtaý jáne sý burý jelilerin júrgizý jumystarynyń sapasyna erekshe mán beriledi. Turǵyndar únemi habardar bolyp otyrady.


Joǵary qaraı